လေပွလေကယ်ခြင်းရဲ့ နောက်ဆက်တွဲတွေက ဘာတွေလဲ?

လူတိုင်းလူတိုင်းဟာ အစာစားနေချိန်တွင်းမှာ လေပမာဏအချို့ကို အမှုမဲ့ မျိုချမိတတ်ကြပါတယ်။
ဒါကြောင့် အစားစားနေချိန်တွင်း လေတက်တာတို့ လေချဉ်တက်တာတို့ ဖြစ်ရခြင်းဖြစ်ပါတယ်။ အစာမြန်မြန်စားခြင်းကြောင့် အစာအိမ်လမ်းကြောင်းတွင်း လေအမြောက်အများ ဝင်ရောက်သွားစေတတ်ပြီးနောက်ပိုင်းမှာ ဗိုက်မအီမသာဖြစ်ခြင်းမျိုးကိုဖြစ်ပေါ်စေတတ်ပါတယ်။ ဗိုက်မအီမသာဖြစ်ခြင်းကိုလျော့နည်းစေဖို့အတွက် အစာကို ဖြည်းဖြည်းနဲ့မှန်မှန်စားသုံးပေးပါ။ ပီကေဝါးခြင်း နဲ့ စကားပြောမြန်လွန်းခြင်းတို့ကလည်း ဆက်စပ်နေပါတယ်။

အူသိမ်ထဲမှာ ကာဗိုဟိုက်ဒရိတ်တော်တော်များများဟာ ချေဖျက်ရလွယ်ကူပါတယ်။ သို့သော် ကာဗိုဟိုက်ဒရိတ်အရောတွေကတော့ အစာချေဖျက်ဖို့ ပိုခက်ခဲပြီး  အူမကြီးတွင်းသို့ရောက်ရှိသွားပါတယ်။ အူမကြီးထဲသိ့ရောက်သွားပြီးနောက်မှာ သန်းပေါင်းများစွာသော ဘက်တီးရီးယားများ သဘာဝအလျောက် ဖြိုခွဲမှုကိုဖြစ်စေပါတယ်။ ၎င်းဖြစ်စဉ်မှ မီသိန်း ၊ ကာဗွန်ဒိုင်အောက်ဆိုဒ် နဲ့ ဟိုက်ဒရိုဂျင် ဓာတ်ငွေ့များဟာ ဤလုပ်ငန်းစဉ်ရဲ့ ပုံမှန်အကျိုးဆက်ဖြစ်လာပါတယ်။ ထိုနောက်မှာ ၎င်းဓာတ်ငွေ့များဟာ လေလည်ခြင်းအဖြစ်သို့ စအိုမှ ထွက်လာကြပါတယ်။  ရလဒ်အနေဖြင့် လေလည်ခြင်းရဲ့ မနှစ်မြို့ဖွယ်အနံ့ရှိနေရခြင်းဟာ  ဆာလဖာဓာတ်ငွေ့ကြောင့်ဖြစ်ရခြင်းဖြစ်ပါတယ်။

လေပွခြင်းကိုဖြစ်စေတဲ့ ကာဗိုဟိုက်ဒရိတ်အရောပါဝင်တဲ့ အစားအစာများမှာ ပဲပင်ပေါက်၊ ဂေါ်ဖီထုပ်၊ ပန်းဂေါ်ဖီစိမ်း နဲ့  ပန်းပေါ်ဖီ တို့ပါဝင်ပြီး ပဲကတော့ ပိုပြီး ဗိုက်ပွခြင်း နဲ့ ဗိုက်ကယ်ခြင်းကိုဖြစ်စေပါတယ်။ ဒါ့အပြင် အမျှင်ဓာတ်ပါဝင်တဲ့ အုတ်ဂျုံ၊ ပဲ၊ ပဲတောင့်ရှည် တို့ဟာလည်း ဗိုက်ပွခြင်း နဲ့ ဗိုက်ကယ်ခြင်း ကို ဖြစ်စေတဲ့ တရားခံလိုဆိုနိုင်ပါတယ်။ စိတ်ဝင်းစားဖို့ကောင်းတဲ့အချက်တစ်ခုအနေနဲ့ အစေ့အနှံတော်တော်များများက လေပြဿနာကိုဖြစ်စေတဲ့ ကာဗိုဟိုက်ဒရိတ်တွေဖြစ်ပေမယ့် ဆန်ကတော့ မပါဝင်ပါဘူး။ တကယ်လို့ သင်ဟာ ဂက်စ်မပါတဲ့ အစေ့အဆန်များရဲ့ အာဟာရဆိုင်ရာ အကျိုးကျေးဇူးများကို ရှာဖွေနေပါက၊ သင့်ပုံမှန် စားသောက်မှုပုံစံတွင် ဆန်လုံးညိုထည့်ရန် စဉ်းစားပါ။

တချို့ကေ့စ်တွေမှာ လေတက်ခြင်းဟာ အကြောင်းအရာ တစ်ခုခုရဲ့ လက္ခဏာဖြစ်နေတတ်ပါတယ်။ ဥပမာ - Lactose လို့ခေါ်တဲ့ နို့ထွက်အစားအသောက်များနဲ့ မတည့်သူတွေဟာ နို့ထွက်အစားအသောက်များတွင်ပါဝင်တဲ့သကြားဓာတ်ကိုမချေဖျက်နိုင်ခြင်းကြောင့် လေပွခြင်းကိုဖြစ်စေပါတယ်။ ဆီးချိုရောဂါ နဲ့ scleroderma  လို့ခေါ်တဲ့ အရေပြားရောဂါမျိုးရှိတဲ့သူတွေရဲ့ အူသိမ်မှာ အာဟာရချေဖျက်ရာမှာ အတိုင်းအတာတစ်ခုထိ ချေဖျက်ရ ခက်ခဲမှုရှိတာကိုတွေ့ရပါတယ်။ နာတာရှည် အူလမ်းကြောင်းရောင်ရမ်းနာမျိုး (IBS) ရှိသူများမှာလည်း လေပွလေကယ်တဲ့ဝေဒနာမျိုးကိုခံစားရတတ်ပါတယ်။

ကိုးကားမှုများ

1. Ohio Gastroenterology & Liver Institute: Gas Problems. Available from: http://ohiogi.com/clinical-research/symptoms-and-solutions/gas-problems/. Accessed on March 21, 2015.

Photo Credit: Sebastiaan ter Burg via Compfight cc