မျက်ဆန်ထဲရှိအရည်(Vitreous) ယိုယွင်းလာခြင်းနှင့်အစက်အပြောက်ပေါ်ခြင်း ပြဿနာ

• မျက်ဆန်ထဲမှာရှိတဲ့ အရည်(Vitreous) နည်းသွားမယ်ဆိုရင် အမည်းစက် များနဲ့ အစက်အပြောက်လေးတွေ မြင်ရမှာဖြစ်ပါတယ်။ ဒါဟာ ဖျားနာခြင်း ကြောင့်မဟုတ်သလို တခြားဘာအန္တရာယ်မှလည်း မရှိပါဘူး။ ဖြစ်တောင့် ဖြစ်ခဲအနေနဲ့ မြင်ကွင်းကို အနှောင့်အယှက်ပေးတာမျိုးဖြစ်နိုင်ပြီး ဒီအတွက် ကုသမှုမရှိသေးပါဘူး။ ဒါပေမယ့် ဒီလိုမျိုးအခြေအနေနဲ့ နေသားတကျ နေထိုင်နိုင်စေတဲ့ နည်းလမ်းတချို့ကိုတော့ လုပ်ဆောင်နိုင်ပါတယ်။
• မျက်ဆန်ထဲမှာရှိတဲ့ အရည်(Vitreous) ဟာ အသက်အရွယ်ကြီးရင့်လာသူ များ၊ အနီးမှုန်ခြင်းကိုခံစားရသူများ၊ အတွင်းတိမ်ခွဲစိတ်ကုသမှုခံယူခဲ့သူများ၊ လေဆာပစ်ကုသမှုခံယူခဲ့သူများ၊ မျက်ဆန်ရောင်ရမ်းခြင်းခံစားရသူများ အတွက် ဖြစ်လေ့ရှိတဲ့ အပြောင်းအလဲတစ်ခုပဲဖြစ်ပါတယ်။

Vitreous ဆိုတာဟာ မျက်ဆန်(Eyeball) အနောက်မှာရှိတဲ့ ကြည်လင်တဲ့ ချွဲပျစ်ပျစ်အရည်များ ဖြစ်ပါတယ်။ ၎င်း ဟာ မျက်စိအတွင်းလွှာ(Retina) နဲ့ မျက်ဆံအတွင်းနံရံများမှာရှိတဲ့ ဆဲလ်တွေကို အာဟာရအဖြစ် ထောက်ပံ့ပေးပါ တယ်။ ဒါ့အပြင် ၎င်း Vitreous ဟာ မျက်ဆန်ကို ခိုင်မြဲနေအောင် လုပ်ဆောင် ပေးပြီး အလင်းရောင်ကိုလည်း မျက်စိအတွင်းလွှာဆီ တိုက်ရိုက် အလင်းယိုင် စေပါတယ်။ Vitreous မှာ ရေနဲ့ မော်လီကျူးအမျိုးမျိုး (၉၉) ရာခိုင်နှုန်းနဲ့ အမျှင် (၁) ရာခိုင်နှုန်း ပါဝင်ပေါင်းစပ်ဖွဲ့စည်းထားပါတယ်။

အသက်အရွယ်အလယ်အလတ်ပိုင်းကိုရောက်လာတာနဲ့အမျှ မျက်ဆန်ထဲမှာရှိတဲ့ အရည် (Vitreous) စာ စတင်ယိုယွင်းလာပြီး သူ့ရဲ့တည်ဆောက်ပုံဟာလည်း ချွဲပစ်ပစ် အနေအထားကနေ အရည်ပုံစံကို ပြောင်းလဲသွားပါတယ်။ ကျုံ့ဝင်သွား ပြီး သူ့ရဲ့ တည်ဆောက်မှုမှာပါတဲ့ အမျှင်များဟာလည်း အရည်နဲ့ ရောနှောသွား ကာ မျက်ဆန်ထဲမှာ အစက်အပြောက်(သို့) အမျှင်အမျှင်လေးတွေ ပေါ်လာပါ တယ်။ မျက်ဆန်ထဲမှာရှိတဲ့အရည်(Vitreous) ဟာ ကျုံ့သွားပြီဆိုတာနဲ့ မျက်စိ အတွင်းလွှာနောက်ဘက်ကနေ တွဲလျက်ရှိရာမှ ကွာကျသွားပါတယ်။ အဲဒီလို နဲ့ အမည်းရောင်အစက်အပြောက်(သို့) အရိပ်များဟာ မျက်ဆန် ဝန်းကျင်တစ်ဝိုက် မှာ ပျံ့နှံ့လာပါတော့တယ်။

မျက်ဆန်ထဲမှာရှိတဲ့ အရည်(Vitreous) ဟာ အသက်အရွယ်ကြီးရင့်လာသူ များ၊ အနီးမှုန်ခြင်းကိုခံစားရသူများ၊ အတွင်းတိမ်ခွဲစိတ်ကုသမှုခံယူခဲ့သူများ၊ လေဆာပစ်ကုသမှုခံယူခဲ့သူများ၊ မျက်ဆန်ရောင်ရမ်းခြင်းခံစားရသူများ အတွက် ဖြစ်လေ့ရှိတဲ့ အပြောင်းအလဲတစ်ခုပဲဖြစ်ပါတယ်။

အတွေ့ရများတဲ့လက္ခဏာများကတော့ မြင်ကွင်းမှာ အစက်အပြောက်များဖြစ် နေပြီး မျက်ဆန်ရွေ့လျားတာနဲ့ အဆိုပါအစက်အပြောက်များဟာလည်း လိုက်ပါ လှုပ်ရှားနေတာဖြစ်ပါတယ်။ ၎င်း အစက်အပြောက်များကို အရောင်တောက်ပတဲ့ နံရံ၊  တစ်ခုခုရေးထား(သို့)ဘာမှမရေးထားတဲ့ စာရွက်အဖြူကဲ့သို့ အဖြူ ရောင် မျက်နှာပြင်နဲ့ အလင်းရောင် ကောင်းစွာရရှိတဲ့နေရာမှာ ပိုမိုရှင်းလင်းစွာမြင်တွေ့ နိုင်ပါတယ်။ တစ်ခါတစ်လေမှာ လျှပ်တစ်ပြက်အလင်း(သို့) လျှပ်တစ်ပြက် အနေနဲ့ မြင်တွေ့ရ နိုင်ပါတယ်။ ဒါဟာ မျက်လုံးအိမ်အတွင်းရှိအရည်(Vitreous) မှ မျက်စိအတွင်းလွှာ ကို ပြန်လည်ဆွဲယူလိုက်ချိန်မှာ ဖြစ်ပေါ်ပါတယ်။ အထက်မှာဖော်ပြခဲ့တဲ့ အချက် တွေအားလုံးဟာ ဖျားနာခြင်းကြောင့် မဟုတ်သလို မျက်ဆန်(Eyeball)ကို လည်း ထိခိုက်နိုင်ခြေမရှိပါဘူး။ ဒီလိုအစက်အပြောက်မျိုးမြင်ရမယ်ဆိုရင် ဖြစ်တောင့်ဖြစ်ခဲအနေနဲ့ မြင်ကွင်း အနှောင့်အယှက်ဖြစ်စေတာမျိုး ကြုံရနိုင်ပါတယ်။  ဒါပေမယ့်လည်း အချိန်ကြာ လာတာနဲ့အမျှ ဒီလိုအခြေအနေကို ကျင့်သားရလာပြီး ထိန်းညှိပေးနိုင် တာ ကြောင့် အဆိုပါအစက်အပြောက်များလည်း တစ်ဖြေးဖြေး လျော့ကျသွားကာ အနှောင့်အယှက်မဖြစ်တော့ပါဘူး။

• အမည်းစက်၊ အရိပ်နဲ့၊ အစက်အပြောက်များ မကြာခဏဖြစ်ပေါ်ခြင်း။
• မျက်ဆန်အတွင်းမှာ လျှပ်တစ်ပြက်အလင်းများပေါ်လာပြီး ပြန်မပျောက် သွားခြင်း။
• အမြင်တစ်ဖက်ဆုံးရှုံးခြင်း(သို့) မြင်ကွင်းစွမ်းရည်လျော့ကျခြင်းကဲ့သို့ အမြင်မူမမှန်ခြင်းများနှင့်သက်ဆိုင်သည့် လက္ခဏာများ။

အထက်မှာဖော်ပြထားတဲ့ လက္ခဏာတစ်ခုခုခံစားရပြီဆိုရင် မျက်စိအတွင်းလွှာ (Retina) ပျက်စီး(သို့) ကွာကျခြင်း ဟုတ် မဟုတ်ဆိုတာကိုသိရဖို့ မျက်စိ အထူး ကု ဆရာဝန်နဲ့ အမြန်ဆုံးဆွေးနွေးတိုင်ပင်သင့်ပါတယ်။ စောစောစီးစီး ရောဂါ ရှာဖွေ ကာ ကုသနိုင်မယ်ဆိုရင် အမြဲတမ်းမျက်စိကွယ်ခြင်းကနေ ကာကွယ်ပေးနိုင်မှာ ဖြစ်ပါတယ်။