တစ်နာရီအတွင်းရေထဲမှာကလေးမွေးဖွားခဲ့သူတစ်ဦးရဲ့အတွေ့အကြုံ
Colleen Turner ဟာ သူ့ရဲ့ ပထမရင်သွေးကို မွေးဖွားခဲ့တုန်းက တရုတ် မှာရှိတဲ့ ဆေးရုံတစ်ခုမှာ တစ်ပတ်လောက်နေခဲ့ရပြီး ဗိုက်ထဲက ကလေးထွက်လာအောင် မနည်း လုပ်ပေးခဲ့ရ ပါတယ်။ Turner တို့ စုံတွဲဟာ လွန်ခဲ့တဲ့ (၂)နှစ် လောက်က ထိုင်းနိုင်ငံကို ပြောင်းရွှေ့လာခဲ့ပါတယ်။ လက်ရှိအချိန်မှာ Colleen Turner ဟာ Bangkok Chicago Christian International School ရဲ့ လက်ထောက်ကျောင်းအုပ် တစ်ယောက်ဖြစ်ပါတယ်။ သူတို့ရဲ့ ဒုတိယရင်သွေး ကို မွေးဖွားဖို့အတွက် Turner တို့ စုံတွဲဟာ ဆစ်မီတဝေ့ဆရီနာခရင် ဆေးရုံကို ရွေးချယ်ခဲ့ပါတယ်။ ဒီနေရာဟာ ဆေးရုံရောက်ပြီး တစ်နာရီလောက်အကြာမှာပဲ Water Birth လို့ခေါ်တဲ့ ရေထဲမှာကလေးမွေးခြင်းနည်းလမ်းနဲ့ ကလေးတစ် ယောက်ကို ဘေးကင်းကျန်းမာစွာမွေးဖွားပေးနိုင်တဲ့ နေရာဖြစ်ပါတယ်။ “ ကျွန်မတို့က U.S ကပါ။ ထိုင်းမှာ ဆရာမ အနေနဲ့ အလုပ် လုပ်ပြီးနေထိုင်ခဲ့တာ (၂)နှစ်ရှိပါပြီ။ ကျွန်မတို့ရဲ့ ပထမရင်သွေးကို တရုတ်နိုင်ငံမှာ မွေးဖွားခဲ့တာဖြစ်ပြီး အခုဆိုရင် သူတောင် (၂)နှစ်ရှိပါပြီ။ ကျွန်မတို့ ထိုင်းကို ပြောင်းရွှေ့ဖို့ ဆုံးဖြတ်ခဲ့ တဲ့အချိန်မှာ သဘာဝအတိုင်းကလေးမွေး(Natural Birth) ပေးနိုင်တဲ့ ဆရာဝန် တွေကို လိုက်ရှာခဲ့တော့ Dr. Kanoknat Boonvisudhi နဲ့ မွေးဖို့ အကြံပေးကြ ပါတယ်။ ကိုယ်ဝန်ဆောင်ကာလ (၃၈)ပတ်အထိ ရောက်နေခဲ့ပေမယ့် ကျွန်မတို့ သူ့နောက်ကိုလိုက်ရင်း ဒီကိုရောက်လာခဲ့ပါတယ်။ ဘာလို့လဲဆိုတော့ သူ့ရဲ့ ကောင်းသတင်းတွေကို ကျွန်မတို့ ကြားထားပြီးပြီလေ။ သူနဲ့ ကလေးမွေးခဲ့ရတဲ့ အတွေ့အကြုံကတော့ တကယ့်ကို ပြောမပြတတ်အောင်အံ့ဩစရာပါပဲ။ ” “ Dr.Kanoknat ကို တကယ်ကျေးဇူးတင်ပါတယ်။ အထူးသဖြင့် သူ့ရဲ့ လူနာ တွေကို သက်သောင့်သက်သာဖြစ်အောင် လုပ်ပေးတာကျေနပ်စရာပါ။ ကျွန်မက ဆရာဝန်နဲ့တွေ့ရမှာကို အရမ်းကြောက်တဲ့သူတစ်ယောက်ပါ။ ဒါပေမယ့် သူနဲ့ တွေ့ရမယ်ဆိုရင် စိတ်ထဲမှာပျော်လာတယ်။ သူမက အရမ်း နှစ်လိုဖွယ်ကောင်း တော့ နောက်ထပ် တွေ့ရမယ့် ရက်ချိန်း တွေကိုပဲ မျှော်နေမိတယ်။ သားဖွား ဆရာဝန်တစ်ယောက်နဲ့ပြတာက ကိုယ့်ရဲ့ အတွင်းရေးကိစ္စတွေဖြစ်တော့ တော်တော်များများက စိတ်ထဲ ကသိကအောက်ဖြစ်ကြတယ်။ ဒါပေမယ့် သူမကတော့ ကျွန်မကိုအဆင်ပြေအောင် အမြဲတမ်း နွေးနွေးထွေးထွေးနဲ့ ဆက်ဆံပေးတယ်။ ” “ ကလေးမွေးတဲ့ အဆင့်တွေနဲ့ပတ်သက်ပြီး ပထမတော့ ကျွန်မ နည်းနည်း စိုးရိမ် မိခဲ့တယ်။ ဘာလို့လဲဆိုတော့ ကျွန်မရဲ့ ပထမကလေးတုန်းက အချိန်တော်တော ္ ကြာခဲ့ပြီး ကလေးမွေး အောင်လုပ်ဖို့အတွက် ဆေးရုံမှာ တစ်ပတ်လောက် နေခဲ့ရ တယ်လေ။ ဒါပေမယ့် ဒီတစ်ကြိမ်မွေးတာကတော့ လုံးဝ အဆင်ပြေပြေနဲ့ပါပဲ။ ကျွန်မအထင် ကျွန်မတို့ ဆေးရုံရောက်ပြီးတော့ တစ်နာရီလောက်အကြာမှာပဲ ကျွန်မကလေးမွေးနိုင်ခဲ့ပါတယ်။ မနက် (၆)နာရီ (၁၁) မိနစ်မှာ မွေးခဲ့ပါတယ်။ ဒါက အရမ်းကိုမြန်ပါတယ်" “ အဲဒီနေ့မနက်က မနက်(၃)နာရီ မိနစ်(၂၀) လာက်မှာ ဗိုက်အရမ်းနာလာတာ ကြောင့် ကျွန်မ နိုးလာခဲ့တယ်။ ဒါပေမယ့် အရမ်းဆိုးဆိုးရွားရွား မဖြစ်သေးတော့ ကျွန်မအမျိုးသား Anthony ကို နှိုးရကောင်းမလား မနှိုးရ ကောင်းမလား စဉ်းစားခဲ့ပါတယ်။ ဒါပေမယ့် သူက အထုပ်အပိုးတွေ မပြင်ရ သေးတာနဲ့ သူ့ကိုနှိုးဖို့ဆုံးဖြတ်လိုက်တယ်။ သိပ်မကြာဘူး .. ရေမွှာပေါက်သွား တော့ ကျွန်မဗိုက်နာတာ ပိုဆိုးလာတယ်။ ကျွန်မရဲ့ ကလေးထိန်း အိမ်ကို ရောက်လာတာနဲ့ ကျွန်မတို့ ဆေးရုံကို ထွက်လာခဲ့ပါတယ်။ ” “ Dr.Kanoknat က ကျွန်မထက်အရင် (၅)မိနစ်လောက်စောရောက်နေတယ်။ ရောက်ရောက်ချင်းမှာပဲ သူမက အခန်းကိုညွှန်ပြပြီး ရေဇလုံထဲမှာ နေဖို့ပြောပါ တယ်။ အစက ကျွန်မစီစဉ်ထားတဲ့အထဲမှာ ဒါကမပါ ပါဘူး။ ဇလုံ ထဲက ရေက ကျွန်မဗိုက်နာနေတာကို ပိုပြီးလွယ်ကူအောင် ကူညီနိုင်လိမ့်မယ်လို့ တွေးပြီး ဒါကို လုပ်ဖို့ ဆုံးဖြတ်ခဲ့ပါတယ်။ နောက်တစ်ခုက ဖန်သားပြင်(Monitor) ကို ကျွန်မ အရမ်းသဘောကျတယ်။ အဲဒါကို ဖန်သားပြင်ကနေသန္ဓေသားကိုကြည့်ခြင်း (Foetur Monitoring) လို့ ခေါ်တယ်ထင်တယ်။ ဒါက အလွယ်တကူရွှေ့လို့ရပြီး ရေထဲကို အတူယူသွားလို့လည်းရတယ်။ အရင်က ဒါကို မမြင်ဖူးဘူး။ ဒါက အရမ်း အဆင်ပြေပါတယ်။ ရေဇလုံထဲရောက်ပြီး ခဏနေတာနဲ့ ဗိုက်ထဲက ကလေးကို အပြင်ထွက်ဖို့ ညှစ်ဖို့လိုပြီဆိုတာကို ခံစားလိုက်ရတယ်။ ဒါပေမယ့် ဆေးရုံကို ရောက်လာချိန်မှာ ကျွန်မက (၅) စင်တီမီတာလောက်ပဲရှိတော့ မကြာခင် ကလေး ထွက်တော့မယ်ဆိုတာကို သိနေခဲ့တယ်။ ရုတ်တရက်ပဲ ကျွန်မရဲ့ ခန္ဓာကိုယ်ကို စ ညှစ်ခဲ့တယ်။ ဒါပေမယ့် ချက်ချင်းဖြစ်မလာဘူး။ အချိန်မကျသေးဘူး။ ဆရာဝန်က ကျွန်မစိတ်ထဲ အချိန်ကျပြီလို့ခံစားရရင် သွားပြီး ညှစ် ဖို့ အားပေးတယ်။ အဲဒီ နောက် ကျွန်မ ရေဇလုံထဲကနေ ခွာဖို့ အချိန်မရှိတော့ပါဘူး။ ” “ Dr.Kanoknat နဲ့ပတ်သက်ပြီး ကျွန်မသဘောကျတာက ကျွန်မနဲ့ တစ်ချိန်လုံး အတူရှိနေပေးခဲ့တာပါပဲ။ ဆရာဝန်အများစုက ဒီလိုမျိုး မလုပ်ပေးပါဘူး။ ဒါက မြန်ဆန်မယ်ဆိုတာကို သူမ သိကောင်းသိနေပါလိမ့်မယ်။ ဒါပေမယ့် တစ်ချိန်လုံး ကျွန်မနဲ့ အတူရှိနေပေးခဲ့တယ်။ ကျွန်မ သက်သောင့်သက်သာဖြစ်ဖို့ ကျွန်မ ကျောကို ရေနွေးနဲ့ လောင်းပေးခဲ့သေးတယ်။ Dr.Kanoknat က တကယ့်ကို ကြင်နာတတ်တဲ့ အမျိုးသမီးတစ်ဦးပါပဲ။ ” “ ပြီးခဲ့တဲ့တစ်ခေါက် ကျွန်မ ဗိုက်ထဲက ကလေးထွက်လာဖို့ ကြိုးစားခဲ့ရတဲ့ အချိန် တုန်းက ဒီလိုမျိုး မရှိခဲ့ပါဘူး။ အရမ်းကို ခက်ခဲခဲ့ပါတယ်။ ဒီတစ်ကြိမ်မှာ ဗိုက်နာတာကို ရင်ဆိုင်ရတာ အများကြီးပိုလွယ်ကူ ပါတယ်။ ဒါက ရေရဲ့ အပူချိန်နဲ့ ပြေလျော့စေမှုကြောင့်လည်း ဖြစ်နိုင်ပါတယ်။ ပြီးတော့ ရေထဲမှာရှိနေတဲ့ ကိုယ့်ရဲ့အလေးချိန်ကြောင့်လည်း ပါတာပေါ့။ ဒါတွေအားလုံး ပေါင်းလိုက်တော့ ဗိုက်နာခြင်းကို ခံနိုင်မှုက အရမ်းလွယ်ကူသွားတယ်။ ရေက လုံးဝကို သက်သောင့်သက်သာဖြစ်တယ်။ သေချာပါတယ်။ နောက်တစ်ခါလည်း ကျွန်မ ရေထဲမှာပဲကလေးမွေးမှာ အသေအချာပဲ။ ” “ မွေးပြီးတာနဲ့ ကျွန်မကို အပေါ်ထပ်ခေါ်သွားတယ်။ အခန်းတွေက သက်သောင့် သက်သာဖြစ်ပြီး အရမ်းအဆင်ပြေတယ်။ သူနာပြုတွေကလည်း အရမ်းကို ကူညီ တတ်ကြပြီး အိမ်သာသွား ရေချိုး သန့်ရှင်းရေးလုပ်တာကအစ ကူညီပေးတယ်။ ဒီမှာ ကလေးမွေးရင် ကောင်းတဲ့နောက်တစ်ချက်က အနီအောက်ရောင်ခြည် ကုထုံး (Infrared Treatment)ကို အသုံးပြုတာပါ။ ဒီလိုမျိုးက တရုတ်မှာလည်း မသုံးသလို ကျွန်မသိသောက် U.S မှာလည်း မသုံးကြပါဘူး။ အပူချိန်က နည်းနည်းတော့ တစ်မျိုးဖြစ်ပေမယ့် အရမ်းသက်သောင့်သက်သာရှိပါတယ်။ ” “ ဆေးရုံမှာရှိတဲ့လူတိုင်းက အရမ်းအဆင်ပြေတယ်၊ နွေးနွေးထွေးထွေးရှိကြတယ်၊ ကူညီတတ်ကြတယ်။ တစ်ဦးချင်းစီရဲ့ နာမည်ကိုတော့ ကျွန်မ မမှတ်မိပါဘူး။ ဒါပေမယ့် ကျွန်မနဲ့ ကြုံခဲ့ရတဲ့ မွေးကင်းစကလေးဆရာဝန် (Neo Natal Doctor) က အရမ်းအဆင်ပြေပါတယ်။ သူ ဘယ်လောက်ထိ စိတ်လှုပ်ရှားနေလည်းဆိုရင် ကျွန်မ နို့ထွက်တဲ့ အချိန်မှာ အရမ်းကို ပျော်ပြီး ခုန် နေတာ။ ပြီးတော့ နို့ချို တိုက်ကျွေးမှုအကြံပေးပညာရှင် ဆိုရင်လည်း တကယ်ကို တော်တဲ့ အမျိုးသမီးပဲ။ သူမက အသေးအမွှားပြုပြင်စရာတချို့ကို အကြံပြုခဲ့ပြီး အဲဒါတွေက ပိုပြီး ကောင်းမွန်အဆင်ပြေစေပါတယ်။ သူမ မှာ တကယ့်ကို စူပါ ပါဝါ တစ်ခုရှိပါတယ်။ ခြုံပြောရမယ်ဆိုရင်တော့ အရမ်းကိုကောင်းမွန်တဲ့ အတွေ့အကြုံတစ်ခုပါပဲ။ ကျွန်မ အမျိုးသားကိုတောင်ပြော ဖြစ်သေးတယ်။ ကျွန်မတို့ရဲ့ တတိယမြောက်ကလေးအတွက် ထိုင်းကိုပြန်လာပြီးပဲ မွေးမယ်လို့။ ” “ ဆစ်မီတဝေ့ဆေးရုံမှာ မကောင်းတဲ့အချက်ရယ်လို့ ပြောစရာဘာမှ မရှိပါဘူး။ ဆေးရုံတွေမှာက ကလေးထိန်းတွေလက်ထဲ ကလေးကို အကြာကြီးထည့်ပေး လိုက်ရတာရှိတယ်။ ဒါပေမယ့်လည်း မွေးပြီးနောက်မှာ ကလေးကို အခန်းထဲမှာ ကျွန်မနဲ့အတူရှိစေပြီး ကလေးနဲ့ ကျွန်မ အသားချင်းထိခွင့်ရနေတာကို ကျေနပ် မိပါတယ်။ ကျွန်မရဲ့ ကလေးမွေးတဲ့ အစီအစဉ်နဲ့ပတ်သက်ပြီး လူတိုင်းက အလေးထားတယ်၊ ပံ့ပိုးပေးတယ်။ အဆိုးမြင်စရာအတွေ့အကြုံ ဘာမှမရှိပါဘူး။ အားလုံးက အကောင်းတွေချည်းပါပဲ။ ”
ဆစ်မီတဝေ့ ဆူခွန်ဗစ်
