နှစ်(၄၀)ကျော်အတွေ့အကြုံများနှင့်ဆေးဘက်ဆိုင်ရာအဆင့်မြင့်နည်းပညာများ

• ကင်ဆာဆဲလ်များအားပစ်မှတ်ထားကုသခြင်းနှင့်ကိုယ်ခံအားစနစ်မြှင့်တင်ကင်ဆာကုထုံး
• အဆင့်မြင့်နည်းပညာအသစ်များနှင့်သန္ဓေအောင်ရန်ကုထုံးများ
• လမစေ့ဘဲမွေးဖွားခြင်းမှကာကွယ်ရန် အန္တရာယ်ရှိသောကိုယ်ဝန်ဆောင်များအား စနစ်တကျ စောင့်ရှောက်မှုပေးခြင်း
• ကျွမ်းကျင်ဆရာဝန်ကြီးများနှင့် ခေတ်မီခွဲစိတ်ကုသမှုနည်းပညာများ
• New Normal Medical Services ( ကျန်းမာရေးဝန်ဆောင်မှုများ)

ကင်ဆာရောဂါလို့ဆိုလိုက်ရင် ကင်ဆာချင်းအတူတူမှာတောင် ကုသမှုနည်းလမ်းရွေးချယ်မှုမှာ ကွဲပြားသွားတာကြောင့် ကင်ဆာရောဂါကုသမှုများ ခံယူမယ့်သူတွေအနေနဲ့ အတိုင်းအတာတစ်ခုအထိ ဇဝေဇဝါဖြစ်ခြင်း နဲ့ နားလည်မှုလွဲခြင်းတွေ ရှိတတ်ပါတယ်။ တစ်ချို့လူနာတွေအတွက် မခွဲစိတ်ခင် ကင်ဆာဆေးသွင်းခြင်း ( ခီမိုသရဖီ) လုပ်ဖို့လိုပေမယ့် တစ်ချို့ကျတော့ ခွဲစိတ်ကုသမှုတစ်မျိုးပဲလိုပါတယ်။ တချို့က ကင်ဆာဆေးသွင်းခြင်း(ခီမိုသရဖီ) ၊ ခွဲစိတ်မှုနဲ့ ဓာတ်ကင်ခြင်း စတာတွေနဲ့ ကုသမှုခံယူနေချိန်မှာ လူနာတချို့က ကင်ဆာဆဲလ်တွေကို တိုက်ရိုက် ပစ်မှတ်ထားကုထုံး ( Targeted Cancer Therapy ) ကို ရွေးချယ်ကြပါတယ်။ ဒီလိုမျိုးရွေးချယ်စရာ ကုထုံးတွေအများကြီးရှိနေပြီး လူနာတွေဘက်က ကြည့်ရင် စိတ်ထဲရှုပ်ထွေးသွားနိုင်တာကြောင့် ကင်ဆာအထူးကု ဆရာဝန်ကြီးများရဲ့ အကြံဥာဏ်နဲ့ ကုသလမ်းညွှန်မှု ကိုခံယူဖို့ လိုအပ်ပါတယ်။

တကယ်တမ်းလက်တွေ့မှာ ဘယ်လိုနည်းလမ်းနဲ့ ကုသမလဲဆိုတာက ကင်ဆာလို့သိလိုက်ရတဲ့အချိန် ကင်ဆာရောဂါအဆင့် ဘယ်လောက်ထိ ရောက်နေပြီလဲ ဆိုတဲ့ အပေါ်မှာမူတည်ပါတယ်။ ကင်ဆာရောဂါလို့ အတည်ပြုပြီးတာနဲ့တပြိုင်နက် ကင်ဆာအဆင့်သိရဖို့ ဆရာဝန်တွေဟာ လိုအပ်တဲ့ စမ်းသပ်စစ်ဆေးမှုတွေ အပြင် ကုသမှုမှာ ပါဝင်အားဖြည့်ပေးမယ့် တခြားသော ခွဲစိတ်ဆရာဝန်တွေ ၊ ဓာတ်မှန်ကျွမ်းကျင်ပညာရှင် တွေနဲ့လည်း သေချာတိုင်ပင်ပြီး အစီအစဉ်တွေ ရေးဆွဲရပါတယ်။ လတ်တလောမှာ ကင်ဆာရောဂါအတွက် ကုသနိုင်တဲ့ ကုထုံးတွေကတော့

• ခွဲစိတ်ကုသခြင်: : Minimal Invasive Surgery ( အတိုကောက်အား ဖြင့် MIS နည်းပညာ) ခက်ခဲမှုနည်းပါး ပြီးလွယ်ကူရိုးရှင်း သော ခွဲစိတ်ကုသမှု နည်းပညာပဲ ဖြစ်ပါတယ်။ ဥပမာအားဖြင့် အူမကြီးကင်ဆာအတွက် မှန်ပြောင်းသုံးပြီး အူလမ်းကြောင်း ဆိုင်ရာ ခွဲစိတ်မှု များပြုလုပ်ခြင်း ၊ ရင်သား ကင်ဆာကုသဖို့အတွက်ရင်သား အကျိတ်ဖယ်ရှားခြင်း (Lumpectomy)  စတဲ့ကုသမှုတွေပဲ ဖြစ်ပါတယ်။ ရင်သားတစ်ခုလုံးကို ဖြတ်ထုတ်ဖို့ မလိုအပ်တဲ့အခြေ အနေဆိုရင် ရင်သားထဲကအဖုအသီးလေးတွေကို ဖယ်ရှား လိုက်ရတာမျိုးလည်းရှိပါတယ်။
• ဓာတ်ကင်ခြင်း : တကယ်လို့ လူနာဟာ ခွဲစိတ်ကုသဖို့ မသင့်တော်တဲ့ အခြေအနေ မှာဆိုရင်တော့ ဓာတ်ကင်ခြင်း (သို့မဟုတ်) ဓာတ်ကင်ခြင်း+ကင်ဆာဆေးသွင်းခြင်း(ခီမိုသရဖီ) နည်းလမ်းနဲ့ နာကျင်မှုဝေဒနာကို သက်သာအောင်လုပ်လို့ရပါတယ်။ ဥပမာ အရိုးထိပြန့်နေတဲ့ကင်ဆာဆိုရင် ကင်ဆာကျိတ်ကနေ သွေးထွက်နည်းအောင် ၊ ကျောရိုးအာရုံကြောမကြီးကို ဖိမိနေရင်အကျိတ် ထပ်မကြီးလာအောင် အဆိုပါကုထုံးနဲ့ ကုသပေးလေ့ရှိပါတယ်။ ဒါကို အချိန်မီ မကုသနိုင်ဘူးဆိုရင် ခြေထောက်ချိနဲ့ပြီး လမ်းလျှောက်လို့မရနိုင်တော့တဲ့အထိ ဆိုးရွားသွားနိုင်ပါတယ်။
• ကင်ဆာဆေးသွင်းကုထုံး :
• ဟော်မုန်းဓာတ်ဖြင့်ကုသခြင်း : ကုထုံးကတော့ ထိရောက်မှုရှိပြီး ဘေးထွက်ဆိုးကျိုးနည်းတာကြောင့် ရင်သားကင်ဆာ ဆီးကျိတ်ကင်ဆာ စတာတွေကို ကုသပေးလေ့ရှိပါတယ်။
• High-intensity focused ultrasound (HIFU) treatment: HIFU ကုထုံးဟာ ဆီးကျိတ်ကင်ဆာရဲ့ ကနဦးအဆင့်မှာ ကင်ဆာဆဲလ်တွေကို ဖျက်ဆီးပစ်လိုက်တဲ့နည်းလမ်းနဲ့ ကုသတာဖြစ်ပါတယ်။ HIFU ကုထုံးဟာ ကင်ဆာကုသမှုမှာ ထိရောက်စေတယ်ဆိုပေမယ့် အောင်မြင်မှုကတော့ လူနာရဲ့ အသက်အရွယ်နဲ့ ခုခံအားအပေါ်မူတည်ပါတယ်။ HIFU နည်းပညာနဲ့ကုသမယ်ဆိုရင် ဆီးကျိတ်ခွဲစိတ်မှုနဲ့ ကင်ဆာဆေးသွင်းကုထုံး တွေကိုတောင် မလိုအပ်တော့ပါဘူး။
• ကင်ဆာဆဲလ်တိုက်ရိုက်ပစ်မှတ်ထားကုထုံး : အဆိုပါကုသမှုဟာ ဘေးထွက်ဆိုးကျိုးနည်းသလို ကင်ဆာဆေးသွင်းကုထုံး (ခီမိုသရဖီ) ထက်စာရင် ပိုပြီး အကျိုးရှိပါတယ်။
• ကိုယ်ခံအားစနစ်မြှင့်တင်ကင်ဆာကုထုံး : Immunotherapy လို့ ခေါ်တဲ့ ကိုယ်ခံစွမ်းအားစနစ်မြှင့်တင်ကုထုံး ဟာ သွေးဖြူဥဆဲလ် လုပ်ဆောင်မှုတွေကို မြှင့်တင်ပေးပြီး တစ်နည်းအားဖြင့် ခန္ဓာကိုယ် အတွင်းပိုင်းက ဇီဝကမ္မဖြစ်ပျက်မှုကို အဆင်မြှင့်ပြီးရောဂါကို တိုက်ထုတ်တဲ့  ကုသမှုပဲ ဖြစ်ပါတယ်။ ကင်ဆာဆေးသွင်းကုထုံးထက်လည်း ပိုပြီး ဘေးထွက်ဆိုးကျိုးနည်းပါတယ်။ Immunotherapy ကုထုံးကို အရေပြားကင်ဆာ ၊ အဆုတ်ကင်ဆာ ၊ ဦးခေါင်းနှင့်လည်ပင်းကင်ဆာ ၊ ဆီးလမ်းကြောင်းကင်ဆာ ၊ ကျောက်ကပ်ကင်ဆာ နဲ့ အသည်းကင်ဆာ စသည်တို့ကို ကုသရာမှာ အသုံးပြု ကြပါတယ်။ ဒါ့အပြင် ပြန်ရည်ကြောကင်ဆာ ၊ ရင်သားကင်ဆာ ၊ ကင်ဆာဆေးမတိုးတော့တဲ့အစာအိမ် ကင်ဆာ နဲ့ အူမကြီးကင်ဆာတို့လို ကင်ဆာရောဂါတွေကိုကုသပေးရာမှာလည်း အသုံးပြုကြပါတယ်။
• ရိုးတွင်းခြင်ဆီအစားထိုးကုသခြင်း(Haploidentical hematopoietic transplantation) : ရိုးတွင်းခြင်ဆီအထဲမှာရှိနေတဲ့ ပင်မဆဲလ်တွေကိုသွင်းပြီး ကုသတဲ့ ကုထုံးတစ်ခုဖြစ်ပါတယ်။ သွေးကင်ဆာရောဂါနဲ့ Thalassemia ခေါ် မျိုးရိုးဗီဇလိုက်သောသွေးရောဂါတစ်မျိုး ဖြစ်ပွားတဲ့ ကလေးငယ်တွေအတွက် ကုသရာမှာ အသုံးပြုပါတယ်။
• Photopheresis: ဆဲလ်အခြေခံ ကိုယ်ခံအားစနစ်နဲ့ ကုသပေးတဲ့ ကုထုံးဖြစ်ပါတယ်။ ကလေးငယ်ရဲ့ သွေးဖြူဥတွေကို သီးသန့်ဖယ်ထုတ်ပြီး နောက်ဆက်တွဲရောဂါတွေကို တိုက်ထုတ်ပစ်တာ ဖြစ်ပါတယ်။ အဆိုပါ ကုထုံးဟာ (၁၀) ကီလိုဂရမ်နဲ့အောက် ကလေးငယ်များ (သို့မဟုတ်) အသက် (၂)နှစ်နှင့်အောက် ကလေးငယ်များကို ကုသပေးရာမှာ အသုံးပြုပါတယ်။

ကင်ဆာရောဂါနှင့်ပတ်သက်ပြီးသိချင်သည့်အချက်များကိုအချိန်နှင့်တပြေးညီသိရှိရန် ဒီနေရာတွင်နိုပ်ပါ။

ဆေးရုံဝန်ထမ်းနှင့်ဆက်သွယ်ပြီး ဆရာဝန်နှင့်ကြိုတင်ရက်ချိန်းရယူရန် chat နိုပ်ပါ။

ဆစ်မီတဝေ့ဆေးရုံကြီးမှာ ထိုင်းနိုင်ငံနှင့်အခြားသောနိုင်ငံပေါင်း (၃၈) နိုင်ငံကျော်မှ ကိုယ်ဝန်ဆောင်မိခင် များကို ကလေးမွေးဖွားပေးနိုင်ခဲ့ပြီး အောင်မြင်မှု (၄၄) ရာခိုင်နှုန်း အထိ တိုးတက်ခဲ့ ပါတယ်။ (အဆိုပါကိန်းဂဏန်းသည် ဆစ်မီတဝေ့ဆေးရုံကြီးတွင် တက် ရောက်ပြီးအောင်မြင်စွာ မွေးဖွားနိုင်ခဲ့သည့်ကိုယ်ဝန်ဆောင်မိခင်များကို စစ်တမ်းကောက် ယူထားခြင်းဖြစ်ပါတယ်။)

ဆစ်မီတဝေ့ဆေးရုံကြီးမှာ ကလေးမွေးဖွားခြင်းဆိုင်ရာစစ်ဆေးမှုများအတွက် အောက်ပါအဆင့်မြင့် နည်းပညာများ ကို အသုံးပြုလျက် ရှိပါတယ်။ မွေးလမ်းကြောင်းကို အာထရာဆောင်းဖြင့်ကြည့်ရှုစစ်ဆေးခြင်း သားအိမ်နှင့်သားဥပြွန်ဓာတ်မှန် သုတ်ပိုးစစ်ဆေးခြင်းနှင့်စုဆောင်းခြင်း ( သုတ်ကောင်ရွေးချယ်ခြင်း)သုတ်ပိုးသိမ်းဆည်းပေးခြင်းဟော်မုန်းဆိုင်ရာစစ်ဆေးမှုများIVF , E.T , ICSI , GIFT စသည့် မျိုးပွားမှုဆိုင်ရာနည်းပညာများ သားကြောဖြတ် ထားသော အမျိုးသားများအတွက် သုတ်ပိုးထုတ်ယူပေးသည့် TESE နည်းပညာ ဆစ်မီတဝေ့ဆေးရုံ ကြီးမှာ အမျိုးသမီးများအတွက် သားကြောဖြတ်ခြင်း(ovariectomy) ကိုလည်း သေချာစွာ ခွဲစိတ်ကုသပေးနေပါတယ် ။ သိပ္ပံဆေးပညာကိုအခြေပြုတဲ့ မျိုးပွားမှုဆိုင်ရာ ကုသမှုတွေကိုလည်း ဆစ်မီတဝေ့ဆေးရုံကြီးမှာ ကုသပေးလျက်ရှိပါတယ်။

• ခန္ဓာကိုယ်ပြင်ပ မ မျိုးဥဖွံ့ဖြိုးစေခြင်း(IVM): ဒီနည်းပညာကို ဆစ်မီတဝေ့ဆေးရုံကြီးမှာ သုတေသနပြု အကောင်ထည်ဖော်ခဲ့တာဖြစ်ပြီး ထိုင်းနိုင်ငံမှာ ပထမဆုံးရရှိခဲ့တာဖြစ်ပါတယ်။ ဒီနည်းပညာဟာ သဘာဝ အတိုင်းနီးပါး ယုံကြည်စိတ်ချရတဲ့ နည်းပညာဖြစ်ပြီး မွေးဖွားတဲ့ မိခင်တွေ အနေနဲ့ နာကျင်မှုဝေဒနာမခံစားရသလို ဟော်မုန်းလှုံ့ဆော်မှုလည်း မရှိပါဘူး။
• Calcium Ionophore နည်းပညာအားဖြင့်လည်း သန္ဓေသား မျိုးအောင်မှုနှုန်း မြင့်တက်အောင် လုပ်ဆောင် ပေးလျက်ရှိ ပါတယ်။ Calcium Ionophore ဟာ မျိုးပွားမှုဆိုင်ရာ နည်းပညာတွေကိုအထောက် အကူပြုကြောင်း ရှာဖွေဖော်ထုတ်ခဲ့ပြီးနောက်မှာတော့ ဆစ်မီတဝေ့ဆေးရုံမှာ လာရောက်ပြသတဲ့ စုံတွဲတွေအတွက် သန္ဓေသားအောင်မြင်ဖို့ အသုံးပြုတဲ့ နည်းလမ်းတစ်ခု ဖြစ်လာခဲ့ပါတယ်။
• မျိုးရိုးဗီဇစစ်ဆေးပေးခြင်း(PGS): PGS လို့ခေါ်တဲ့ မျိုးရိုးဗီဇစစ်ဆေးခြင်းကတော့ သန္ဓေသားရဲ့ ခရိုမိုဆုန်းအရေအတွက် နဲ့ သန္ဓေသား ပုံမှန်မဟုတ်တဲ့အနေအထား ရှိ မရှိ ကို စစ်တာဖြစ်ပါတယ်။ တကယ်လို့ ခရိုမိုဆုန်းဟာ ပုံမှန်မဟုတ်တဲ့ short-arm အနေအထားမှာ ရှိနေရင် သန္ဓေသားဟာ ပုံမှန်မဟုတ်တဲ့ကလေး ဒေါင်းလက္ခဏာ(Down Syndrome) အဖြစ်မွေးဖွားလာနိုင်ပါတယ်။
• မျိုးရိုးဗီဇရောဂါရှာဖွေခြင်း(PGD): မျိုးရိုးဗီဇရောဂါရှာဖွေခြင်းဟာလည်း အရေးပါတဲ့အချက် တစ်ချက်ပါ။ စစ်ဆေးတဲ့အချိန်မှာ သန္ဓေသားဟာ ပုံမှန်အနေအထား ရှိမနေခဲ့ဘူးဆိုရင် ကျန်းမာသန်စွမ်းတဲ့ သန္ဓေသားအဖြစ် သားအိမ်ထဲမှာ ဆက်လက်ရှင်သန်ဖို့ အချိန်မီ ပြောင်းလဲပေးနိုင်မှာ ဖြစ်ပါတယ်။
• သားအိမ်စစ်ဆေးမှု: ဒီစစ်ဆေးမှုကတော့ အမျိုးသမီးရဲ့ သားအိမ်ဟာ သန္ဓေလွယ်ဖို့ အတွက် အဆင်သင့် ဖြစ် မဖြစ် စစ်ဆေးတာဖြစ်ပါတယ်။ သားအိမ်ဖွံ့ဖြိုးခြင်း ၊ သန္ဓေသားနှင့် သက်ဆိုင်တဲ့ genes (၂၃၈) မျိုးကို ခွဲခြမ်းစိတ်ဖြာခြင်း ၊ သက်ဆိုင်ရာကလာပ်စည်း (Mitochondrion) တွေကို စစ်ဆေးခြင်းတို့ပဲဖြစ်ပါတယ် ။ Mitochondrion ဟာ သန္ဓေသားဆဲလ်တွေရဲ့ ပင်မစွမ်းအင်အရင်း အမြစ်ဖြစ်ပြီး အောင်မြင်တဲ့သန္ဓေသားဖြစ်ဖို့ အခွင့်အရေး (၅၀) ရာခိုင်နှုန်းရှိပါတယ်။

ဆေးရုံဝန်ထမ်းနှင့်ဆက်သွယ်ပြီး ဆရာဝန်နှင့်ကြိုတင်ရက်ချိန်းရယူရန် chat ကို နိုပ်ပါ…
ကလေးမွေးဖွားခြင်း packages များ သိရှိနိုင်ရန် ဒီနေရာကိုနိုပ်ပါ

ဆစ်မီတဝေ့ဆေးရုံမှာ ကိုယ်ဝန်ဆောင်မိခင်လောင်းများလမစေ့ဘဲမွေးဖွားမှုနှုန်း လျှော့ချဖို့ ခေတ်မီ ကျန်းမာရေးစောင့်ရှောက်မှုများနဲ့ ဆောင်ရွက်ပေးလျက်ရှိပါတယ်။ ဒါဟာ အခြားသောဆေးပညာ ဆိုင်ရာအဖွဲ့အစည်းများအတွက် အတုယူစရာ နမူနာစံပြ ဖြစ်လာခဲ့ပါတယ်။ လမစေ့ဘဲ မွေးဖွားလာခြင်းကိုလျှော့ချဖို့လမစေ့ကိုယ်ဝန်ကာကွယ်ရေးဆေးခန်း ( Preterm Prevention Clinic) အနေနဲ့ ကိုယ်ဝန်ဆောင်မိခင်တွေအတွက် လိုအပ်တဲ့အကူအညီနဲ့ ကုသမှုတွေကိုဆောင်ရွက်ပေးပါ တယ်။ တကယ်လို့ မရှောင်လွှဲနိုင်ဘဲ လမစေ့ဘဲမွေးဖွားလာခဲ့ရင်လည်း လိုအပ်တဲ့ကြိုတင်ပြင်ဆင်မှုတွေကို ပြည့်ပြည့်စုံစုံ ထားရှိပေးပါတယ်။

လမစေ့ကလေး မွေးဖွားမှု ကာကွယ်ရေး ဆေးခန်း ဟာ လမစေ့ဘဲကလေးမွေးဖွားမှုနှုန်း (၅၀) ရာခိုင်နှုန်းထိ လျှော့ချနိုင်ဖို့ အတွက် 3P Concept (၅၀) ရာခိုင်နှုန်းထိ လျှော့ချနိုင်ဖို့ အတွက် 3P Concept ကို လိုက်နာကျင့်သုံးပြီး စောင့်ရှောက်ကုသမှုတွေ ပေးနေတာ ဖြစ်ပါတယ်။ ( အဆိုပါကိန်းဂဏန်းသည် WHO မှ ထုတ်ပြန်ထားသည့် အချက်အလက်များနှင့်နှိုင်းယှဉ်ထားခြင်းဖြစ်သည်)

ဆစ်မီတဝေ့ဆေးရုံကြီးမှာ ဝါရင့်ကလေးအထူးကုဆရာဝန် အယောက် (၁၅၀) ကျော်မှ ခေတ်မီစက်ကိရိယာများကိုအသုံးပြုပြီး မွေးကင်းစကလေးငယ်များအတွက် အလုံးစုံစောင့်ရှောက်ကု သမှု ပေးနေပါတယ်။ ဆစ်မီတဝေ့ကလေးဆေးရုံဟာ ခေတ်နဲ့အညီ ဆက်လက်တိုးတက်စေဖို့အတွက် နာမည်ကြီးကလေးဆေးရုံများဖြစ်တဲ့ အမေရိကန်နိုင်ငံမှ Doernbecher Children’s Hospital, Doernbecher Children’s Hospital,  ဂျပန်နိုင်ငံမှ Takatsuki General Hospital တို့နဲ့ Exchange & Development Partnership လက်မှတ်ရေးထိုးခဲ့ပါတယ်။ သဘောတူညီချက်အရ ရောဂါရှာဖွေမှုသာလျှင်မက မွေးကင်းစကလေးင ယ်အထူး ကြပ်မတ်ကုသဆောင် ( NICU ) ၊ ကလေးအထူးကြပ်မတ်ကုသဆောင် (PICU) များအတွက် ၎င်းဆေးရုံများမှ နောက်ဆုံးပေါ်ခေတ်မီ နည်းပညာများဖြင့် ကူညီပံ့ပိုးမှုတွေရရှိလာမှာ ဖြစ်ပါတယ်။ ဒီလိုမျိုး နောက်ဆုံးပေါ်နည်းပညာ ကူညီပံ့ပိုးမှုများကြောင့် အောင်မြင်တဲ့ အကျိုးရလာဒ်များ ရရှိလာနိုင်မှာပဲ ဖြစ်ပါတယ်။

လမစေ့ဘဲမွေးဖွားခဲ့သူမိခင်တစ်ဦးရဲ့အတွေ့အကြုံတွေကိုနားထောင်ကြည့်လိုက်ပါ

ဆေးရုံဝန်ထမ်းနှင့်ဆက်သွယ်ပြီး ဆရာဝန်နှင့်ကြိုတင်ရက်ချိန်းရယူရန်  chat ကို နိုပ်ပါ….

ဆစ်မီတဝေ့ဆေးရုံကြီးရဲ့ critical care complex (CCC) ခွဲစိတ်ခန်းတွေကတော့ ခေတ်မီခွဲစိတ်ကုသမှုတွေ ဝန်ဆောင်မှုပေးနိုင်ဖို့ တည်ဆောက်ထားတာပဲဖြစ်ပါတယ်။ အခန်းဒီဇိုင်းမှအစ အသုံးပြုထားတဲ့ ပစ္စည်းကိရိယာနဲ့ ပြင်ဆင်ထားရှိမှုများဟာ ခွဲစိတ်ကုသမှု တွေအတွက် နေရာတကျ အပိုအလိုမရှိ စီမံဆောင်ရွက်ထားတာပဲဖြစ်ပါတယ် ။ ခွဲစိတ်ခန်းအတွင်းမှာ ခွဲစိတ်ဆရာဝန်နဲ့ အဖွဲ့အတွက် လိုအပ်ချက်မှန်သမျှကို စီစဉ်ပေးထားပြီးအခန်းတွင်း ဘတ်တီးရီးယား ပိုးမွှားကင်းစင်အောင်နဲ့ စိတ်ဖိအားကင်းဝေးတဲ့ ဝန်းကျင်နေရာတစ်ခုဖြစ်အောင် ဖန်တီးထားပါတယ်။ ဒါ့အပြင် ခွဲစိတ်ကုသမှုခံယူမယ့် လူနာတွေအတွက် လုံခြုံစိတ်ချမှုရှိပြီး အထူးပုဂ္ဂိုလ်တစ်ဦးလိုမျိုး စိတ် ခံစားမှုရရှိ အောင် စီစဉ်ထားပါတယ်။ ဆစ်မီတဝေ့ဆေးရုံရှိ CCC ခွဲစိတ်ခန်းတွေဟာ ဘတ်တီးရီးယားပိုးမွှားကင်းစင်မှု ၊ လေထုသန့်စင်မှုနဲ့ ပတ်သက်ပြီး နိုင်ငံတကာ အသိအ မှတ်ပြု လက်မှတ်ရရှိထားတာကြောင့် လာရောက်ကုသမှုခံယူမယ့် လူနာတွေအတွက် အမြဲတမ်း စိတ်ချမ်းသာမှုနဲ့ လုံခြုံမှုပေးနိုင်မှာကတော့ အသေအချာပါပဲ။ 3D4K နဲ့ 3D ဒစ်ဂျစ်တယ် ပုံရိပ်နည်းပညာကို အသုံးပြုထားပြီး ပုံရိပ်တွေကို HD Quality ရဲ့ (၄) ဆအထိ ကြည်လင်ပြတ်သားစွာဖော်ပြပေးနိုင်တာကြောင့် ခွဲစိတ်ဆရာဝန်တွေအတွက် ခန္ဓာကိုယ်အတွင်းပိုင်းခွဲစိတ်ကုသမှုတွေမှာ ပိုမိုတိကျစွာ မြင်တွေ့ရမှာဖြစ်ပါ တယ်။ ဆစ်မီတဝေ့ဆေးရုံကြီးရဲ့ ကျွမ်းကျင်ခွဲစိတ်ဆရာဝန်များဟာ MIS လို့ခေါ်တဲ့ ခက်ခဲမှုနည်းပါးပြီး ရိုးရှင်းလွယ်ကူတဲ့ ခွဲစိတ်ကုသမှုများ အပြင် အကြီးစားခွဲစိတ်ကုသမှုများကိုပါ ပိုင်နိုင်ကျွမ်းကျင်စွာလုပ်ဆောင်နိုင်ကြပါတယ်။ ဆစ်မီတဝေ့ဆေးရုံရဲ့ စွမ်းဆောင်မှုနဲ့အောင်မြင်မှုတွေကို အောက်မှာဖော်ပြထားပါတယ်။ minimally invasive surgeries  (MIS).

• ၂၀၁၇ မှ ၂၀၁၉ အတွင်းခက်ခဲမှုနည်းပါးပြီးလွယ်ကူတဲ့အသေးစားခွဲစိတ်မှု (MIS) ၃၄၀၀ ကျော်ကို အောင်မြင်စွာ ကုသပေးနိုင်ခဲ့ပါတယ်။
• အရိုးအဆစ်အတွင်းမှန်ပြောင်းဖြင့်ခွဲစိတ်ကုသ ( Arthroscopic Surgery) နေစဉ်အတွင်း တိကျမှန်ကန်တဲ့ ရောဂါရှာဖွေမှုများပြုလုပ်ပေးနိုင်ခဲ့ပါတယ်( အမှားအယွင်း သုညရာခိုင်နှုန်း)။
• ခွဲစိတ်ကုသပြီးနောက်ပိုင်း ပိုးဝင်မှုမရှိခြင်း ( ပိုးဝင်မှု သုညရာခိုင်နှုန်း) (NHSN<1%)
• ခွဲစိတ်ပြီးနောက် အချိန်တိုအတွင်းပြန်လည်သက်သာလာပြီး (၁)ရက်-(၂)ရက် အတွင်း ဆေးရုံမှ ဆင်းနိုင်ခြင်း။

ဆစ်မီတဝေ့ဆေးရုံတွင်ရရှိနိုင်သောခေတ်မီခွဲစိတ်နည်းပညာများ

အစာအိမ်နှင့်အူလမ်းကြောင်းဆိုင်ရာ ရောဂါများအတွက် မှန်ပြောင်းအသုံးပြုပြီးကုသတဲ့ ခွဲစိတ်ကုသမှုတွေကတော့ အောက်ပါအတိုင်းဖြစ်ပါ တယ်။

• မှန်ပြောင်းဖြင့်အူအတက်ဖြတ်ခြင်း
• မှန်ပြောင်းဖြင့် အူကျရောဂါကိုခွဲစိတ်ကုသခြင်း
• မှန်ပြောင်းဖြင့် အစာအိမ်ကျုံ့သွားအောင်ကြိုးချည်ခြင်း ( အဝလွန်သူများအတွက်)
• မှန်ပြောင်းဖြင့် အူမကြီးကင်ဆာခွဲစိတ်ကုသခြင်း
• မှန်ပြောင်းဖြင့် သည်းခြေကျောက်ခွဲစိတ်ဖယ်ရှားခြင်း
• သည်းခြေပြွန်နဲ့မုန့်ချိုအိတ်မှန်ပြောင်းကြည့်ခြင်း(ERCP)
• အစာအိမ်အရွယ်အစားပမာဏကိုလျှော့ချခြင်း
• အမာရွတ်မကျန်သိုင်းရွိုက်ခွဲစိတ်ကုသခြင်း
• မှန်ပြောင်းအသုံးပြုပြီအာရုံကြောခွဲစိတ်ကုသခြင်း Thoracoscopic sympathectomy

မှန်ပြောင်းအသုံးပြုပြီးကုသနိုင်တဲ့ သားဖွားမီးယပ်ဆိုင်ရာခွဲစိတ်ကုသမှုများ

• မှန်ပြောင်းဖြင့် မွေးလမ်းကြောင်းမှတစ်ဆင့်သားအိမ်ထုတ်ခြင်း
• မှန်ပြောင်းဖြင့် သားအိမ်နံရံမှအသားလုံးကိုခွဲစိတ်ဖြတ်ထုတ်ခြင်း
• မှန်ပြောင်းဖြင့် သားဥပြွန်ဖြတ်ထုတ်ခြင်း
• မှန်ပြောင်းဖြင့် သားဥပြွန်ခွဲထုတ်ခြင်း
• မှန်ပြောင်းဖြင့် နေရာလွဲမှားသားအိမ်အတွင်းသားရောဂါကိုကုသခြင်း
• မှန်ပြောင်းဖြင့် မ မျိုးဥအိမ်မှ အရည်အိတ်ကိုခွဲထုတ်ခြင်း
• မှန်ပြောင်းဖြင့်သားကြောဖြတ်ခြင်း
• သားအိမ်တွင်းကြည့်မှန်ပြောင်းဖြင့် သားအိမ်နံရံမှအသားလုံးကိုခွဲစိတ်ကုသခြင်း
• သားအိမ်တွင်းကြည့်မှန်ပြောင်းဖြင့် သားအိမ်အတွင်းမှအဖုအကျိတ်များအားဖယ်ရှားခြင်း
• သားအိမ်တွင်းကြည့်မှန်ပြောင်းဖြင့် ရောဂါရှာဖွေခြင်း
• မှန်ပြောင်းဖြင့်ရောဂါရှာဖွေခြင်း
• မှန်ပြောင်း(၂)မျိုးစလုံးသုံးကာရောဂါရှာဖွေခြင်း

အရိုးအဆစ်အတွင်းကြည့်မှန်ပြောင်း (Arthroscopy) ဆိုတာကတော့ အရိုးအဆစ်အတွင်းကို မှန်ပြောင်းထည့်ကြည့်ရှုပြီး ကုသတဲ့ ကိရိယာပဲဖြစ်ပါတယ်။ ဆစ်မီတဝေ့ဆေးရုံကြီးမှာ Arthroscopic နည်းပညာနဲ့ တံတောင်ဆစ် ၊ ပုခုံး ၊ ဒူးခေါင်း ၊ လက်ကောက်ဝတ် ၊ ခြေကျင်းဝတ် စတဲ့ ကိုယ်လက်အစိတ်အပ်ိုင်းများမှာ ဖြစ်ပွားတဲ့ရောဂါတွေကို ကုသပေးလျက်ရှိပါတယ်။

• အရိုးအဆစ်အတွင်းကြည့်မှန်ပြောင်း ဖြင့် ပုခုံးခွဲစိတ်ကုသခြင်း
• အရိုးအဆစ်အတွင်းကြည့်မှန်ပြောင်း ဖြင့် တံတောင်ဆစ်အရွတ်ပြဲခြင်းကိုခွဲစိတ်ကုသခြင်း
• အရိုးအဆစ်အတွင်းကြည့်မှန်ပြောင်း ဖြင့် အရိုးနုခွဲစိတ်ကုသခြင်
• အရိုးအဆစ်အတွင်းကြည့်မှန်ပြောင်း ဖြင့် ဒူးအရွတ်ပြဲခြင်းကိုခွဲစိတ်ကုသခြင်း

ဆစ်မီတဝေ့ဆေးရုံကြီးမှ ကျောရိုးနှင့်ပတ်သက်သောခွဲစိတ်ကုသမှုများ

• ခါးဆစ်ရိုးအချပ်ပြားကျွံခြင်းအတွက်ခွဲစိတ်ကုသမှု ( MIS – ခက်ခဲမှုနည်းပါးပြီး လွယ်ကူရိုးရှင်း သောခွဲစိတ်မှု)
• လည်ပင်ရိုးဆစ်အရိုးနုပြားအတုဖြင့်အစားထိုးခွဲစိတ်ကုသခြင်း
• လည်ပင်းရိုးဆစ်အချပ်ပြားကျွံခြင်းအတွက်ခွဲစိတ်ကုသခြင်းနှင့် လည်ပင်းရိုးပြန်လည်တွဲ ဆက်ပေးခြင်း
• မူမမှန်သောကျောရိုးကို ပုံစံတကျဖြစ်အောင်ခွဲစိတ်ကုသခြင်း
• မွေးရာပါခါးတစ်ခြမ်းစောင်းခြင်း / ကျောရိုးစောင်းခြင်းအတွက်ခွဲစိတ်ကုသခြင်း
• ကျောရိုးခွဲစိတ်ပြီးနောက်ဆက်တွဲနာကျင်မှုရောဂါအားခွဲစိတ်ကုသခြင်း

မှန်ပြောင်းသုံးစရာမလိုသည့်သာမန်ခွဲစိတ်မှုများ

• လိပ်ခေါင်းရောဂါခွဲစိတ်ကုသခြင်း
• နှလုံးခွဲစိတ်ကုသခြင်း
• Stent ထည့်ကာနှလုံးသွေးကြောချဲ့ခွဲစိတ်ကုသခြင်း
• သွေးလွှတ်ကြောဖောင်းခြင်းအတွက်ခွဲစိတ်ကုသခြင်း
• အူအတက်ခွဲစိတ်ဖြတ်ထုတ်ခြင်း

ဆစ်မီတဝေ့ဆေးရုံကြီး၏ကျွမ်းကျင်ခွဲစိတ်ဆရာဝန်ကြီးများ

• Prof. Emeritus Charoen Chotigavanich, M.D.
• Professor Prakit Tienboon, M.D.
• Mann Chandavimol, M.D.
• Chingyiam Panjapiyakul, M.D.
• Pakpong Wathanaoran, M.D.
• Pornthep Prathanvanich, M.D.
• Tonkla Suchantabutr, M.D.
• Pornpeera Jitpratoom, M.D.
• Boonsaeng Wutthiphan, M.D.
• Santi Pongphantarak, M.D.
• Makawan Tananunkul, M.D.
• Surached Apininbongkode, M.D.
• Wichian Jiraboonsri, M.D.
• Werayut Chayapinun, M.D.
• Associate prof. Chathchai Pookarnjanamorakot, M.D.
• Associate prof. Cholawish Chanlalit, M.D.
• Suwicharn Bamrungchaowkasem, M.D.

ခွဲစိတ်ကုသမှု packages များသိရှိနိုင်ရန် ဒီနေရာကို နိုပ်ပါ

ဆေးရုံဝန်ထမ်းနှင့်ဆက်သွယ်ပြီး ဆရာဝန်နှင့်ကြိုတင်ရက်ချိန်းရယူရန် chat ကို နိုပ်ပါ….

မွေးကင်းစကလေးငယ်နှင့် ကလေးများအတွက်ခွဲစိတ်ကုသမှုများ: ကလေးငယ်များအတွက်ခွဲစိတ်ကုသမှုတွေဟာ ခက်ခဲမှုနည်းပါးပြီးလွယ်ကူရိုးရှင်းတဲ့ခွဲစိတ်ကုသမှု ( MIS )  အမျိုးအစားထဲမှာပါဝင်ပြီး ခွဲစိတ်လိုက်ရတဲ့အလျားအတိုင်းအတာ (၂) မီလီမီတာမှ (၅)မီလီမီတာ လောက်သာရှိ ပါတယ်။ ဒီခွဲစိတ်ကုသမှုဟာ အသက် (၁) နှစ်အောက် ကလေးငယ်များအတွက် ကုသပေးဖို့ သင့်တော်ပါတယ်။

• မှန်ပြောင်းဖြင့် အူအတက်ဖြတ်ခြင်း
• မှန်ပြောင်းဖြင့် သည်းခြေအိတ်ဖြတ်ထုတ်ခြင်း
• မှန်ပြောင်းဖြင့် အူသိမ်ခွဲစိတ်ဖြတ်ထုတ်ခြင်း
• မှန်ပြောင်းဖြင့် မွေးရာပါသည်းခြေပြွှန်အရည်အိတ်ခွဲစိတ်ကုသခြင်း
• မှန်ပြောင်းဖြင့် အကျိတ်လုံးဖယ်ထုတ်ခြင်း
• ခွဲစိတ်ပြီးကျန်ရှိနေခဲ့သည့်အနာ၏အကပ်အခဲများကိုမှန်ပြောင်းဖြင့်ချေဖျက်ခြင်း
• မှန်ပြောင်းဖြင့် အူကျွံခြင်းကို ခွဲစိတ်ကုသခြင်း
• မှန်ပြောင်းဖြင့် ဝမ်းဗိုက်ထဲကျန်နေခဲ့သည့်ဝှေးစေ့အားကပ်ပယ်အိတ်တွင်း ပြန်ထားခြင်း
• မှန်ပြောင်းဖြင့် ဘေလုံးထုတ်ယူခြင်း
• မှန်ပြောင်းဖြင့် ဝမ်းဗိုက်အူကျွံခြင်းကိုပြုပြင်ပေးခြင်း
• မှန်ပြောင်းဖြင့် ဝမ်းဗိုက်ကန့်လန့်ကာကြွက်သား အူကျွံခြင်းကိုပြုပြင်ပေး ခြင်း
• မှန်ပြောင်းဖြင့် ရောဂါရှာဖွေခြင်း

ဆေးရုံဝန်ထမ်းနှင့်ဆက်သွယ်ပြီး ဆရာဝန်နှင့်ကြိုတင်ရက်ချိန်းရယူရန် Chat ကို နိုပ်ပါ….

ကလေးသူငယ်ပြန်လည်သန်စွမ်းရေးစင်တာ မှာတော့ ကလေးငယ်များအတွက် လိုအပ်တဲ့ ကျန်းမာရေးစောင့်ရှောက်မှုများနဲ့ ဝန်ဆောင်မှု များကို ကျွမ်းကျင် ကလေးအထူးကုဆရာဝန်များက တာဝန်ယူ စောင့်ရှောက်ကုသ ပေးနေသလို အကြောအဆစ် ပြန်လည်သန်စွမ်းရေးပညာရှင် ၊ လက်တွေ့လေ့ကျင့်ရေးကျွမ်းကျင်ပညာရှင် များကလည်း ကုသမှုမှာ ပါဝင်ကူညီပေးနေပါတယ်။ ကျွမ်းကျင်ပညာရှင်များဟာ ကလေးသူငယ် အကြောအဆစ်သန်စွမ်းရေး ၊ အထူးလေ့ကျင့်ရေး ၊ ရေကူးကန်ထဲတွင်လေ့ကျင့်ရသည့် ကုထုံး( Aquatic Therapy) ၊ ကလေးငယ်များ အတွက်အထူးကုထုံး ၊ မွေးကင်းစကလေးငယ်များအကြောအဆစ်သန်စွမ်း ရေး စတဲ့ ဘာသာရပ်များကို သက်ဆိုင်ရာ တက္ကသိုလ် ၊ သင်တန်းများ တွင်တက်ရောက်သင်ကြား လေ့ကျင့်ထား ကြသူများပဲဖြစ်ပါတယ်။ ဒါ့အပြင် အောက်ပါ ဘာသာရပ်များကိုလည်း နားလည်တတ်ကျွမ်းထားကြပါတယ်။

• စက်ရုပ်အကူအညီဖြင့်လမ်းလျှောက်လေ့ကျင့်ခန်းကုထုံး (Robotic-Assisted Walking Therapy )
• သိုင်းကြိုးဖြင့်ပြုလုပ်ရသောအကြောအဆစ်လေ့ကျင့်ခန်းကုထုံး (Redcord Physiotherapy)
• ရေကူးကန်ထဲတွင်လေ့ကျင့်ရသည့် ကုထုံး( Aquatic Therapy)
• အာရုံခံစားနိုင်အောင်အထူးပြုလုပ်ထားသည့်နေရာ ( Snoezelen Multi-Sensory Environmert)

ဆေးရုံဝန်ထမ်းနှင့်ဆက်သွယ်ပြီး ဆရာဝန်နှင့်ကြိုတင်ရက်ချိန်းရယူရန် Chat ကို နိုပ်ပါ….

1. ဆွေးနွေးတိုင်ပင်အကြံပေးခြင်း

လတ်တလောကြုံတွေ့နေရတဲ့ New Normal ကာလမှာ လူနာများအနေနဲ့မိမိတို့ရဲ့ ကျန်းမာရေးဆေးစစ် မှတ်တမ်းကို တင်ပြပြီး video call ခေါ်ဆိုမှုများဖြင့် သက်ဆိုင်ရာ အထူးကုဆရာဝန်ကြီးများထံမှ ဆွေးနွေးအကြံပေးမှုများကို ရယူနိုင်ပါတယ်။ အဆိုပါဝန်ဆောင်မှုကို လူနာနှင့် ကျန်းမာရေးဝန်ထမ်းများကြား အွန်လိုင်းမှတစ်ဆင့်ချိတ်ဆက်ပေးနိုင်တဲ့Samitivej Virtual Hospital မှတစ်ဆင့် ရယူနိုင်ပါတယ်။  ဆက်လက်လေ့လာရန်(သို့) ကြိုတင်ရက်ချိန်းယူရန်။

2.ကျန်းမာရေးနှင့်ညီညွှတ်သောလုံခြုံစိတ်ချရမှု

ဆစ်မီတဝေ့ဆေးရုံကြီးမှာ လာရောက်ကုသကြတဲ့ လူနာတစ်ဦးတစ်ယောက်ချင်းစီတိုင်းအတွက် သန့်ရှင်းပြီးကျန်းမာရေးညီညွတ်ဖို့နဲ့ လုံခြုံစိတ်ချရမှုရှိဖို့ အမြဲတမ်းအလေးပြု လုပ်ဆောင်နေပါတယ်။

ဆစ်မီတဝေ့ဆေးရုံမှာ ခွဲစိတ်ကုသမှုခံယူမယ့်လူနာတွေအတွက် လုံခြုံစိတ်ချမှုရှိနေစေဖို့ ခွဲခန်းမဝင်ခင်မှာ Covid 19 ရောဂါပိုး စစ်ဆေးပေးပါတယ်။ ဒါမှသာ လူနာတွေအတွက်ရော ဆေးရုံဝန်ထမ်း များအတွက်ပါ စိတ်ချရမှာဖြစ်ပါတယ်။ ၂၀၂၀ ဇူလိုင်လမှ စက်တင်ဘာလအတွင်း ဆေးရုံတက်ဖို့ စီစဉ်ထားတဲ့ ကုန်ကျစရိတ် ဘတ် (၁) သိန်းနဲ့အထက်လူနာများအနေနဲ့ ကြိုတင်ပြီး ရက်ချိန်းရယူဖို့ လိုအပ်ပါတယ်။ ခွဲစိတ်ကုသမှုမခံယူခင် (၁)ရက် သို့မဟုတ် (၂) ရက်အလိုမှာ Covid 19 ရောဂါပိုး ရှိ မရှိ စစ်ဆေးရမှာဖြစ်ပါတယ်။

Customer များအနေနဲ့ အဆိုပါ အထူးအခွင့်အရေးကို ယခုမှစပြီး စက်တင်ဘာလ (၃၀) ရက်နေ့အထိ ခံစားခွင့်ရှိမှာဖြစ်ပါတယ်။

ဆက်လက်သိလိုသည်များကိုသက်ဆိုင်ရာဝန်ထမ်းများကိုမေးမြန်းရန် chat option ကိုနိုပ်ပါ။

Samitivej PACE ဆိုတဲ့ ဆက်သွယ်ရေး ပလက်ဖောင်းတစ်ခုကို ဖန်တီးထားပြီး ခွဲစိတ်မှုပြုနေစဉ် အချိန်အတွင်း လူနာရဲ့ အခြေအနေကို အချိန်နဲ့တစ်ပြေးညီ စောင့်ကြည့်နိုင်ပါတယ်။ အဆိုပါဝန်ဆောင်မှုမှ တစ်ဆင့် လူနာရှင်များအနေနဲ့ ခွဲစိတ်ကုသနေချိန်အတွင်း လူနာရဲ့အခြေအနေကို ခွဲစိတ်ခန်း(သို့) ခွဲစိတ်ပြီးလူနာထားရှိတဲ့အခန်းအပြင် ဘက်ကနေ သိရှိနိုင်မှာဖြစ်ပါတယ်။ အဆိုပါဝန်ဆောင်မှု ကိုစတင်အသုံးပြုနိုင်ဖို့ LINE Application ကနေ @Samitivej ကို Add လုပ်ထားဖို့ပဲလိုပါတယ်။

သင်ဟာ ဆစ်မီတဝေ့ဆေးရုံကြီးမှာ တက်ရောက်ကုသမယ်ဆိုရင် ဆေးရုံတက်စဉ်ကာ လ တစ်လျှောက် လုံး သင့်ဘေးမှာ Samitivej PROMPT ရှိနေမှာပါ။ Samitivej PROMPT ကနေ လူနာရဲ့ နေ့စဉ် အချိန်ဇယားကိုသာလျှင်မက ကျန်းမာရေးဝန်ထမ်းများရဲ့ နာမည်များကိုပါ ဖော်ပြထားပေးပါတယ်။ လူနာအနေနဲ့ မိမိရောဂါကို အဓိကဦးဆောင်တာဝန်ယူကုသပေးနေတဲ့ ဆရာဝန်ကြီးနဲ့ တိုက်ရိုက် စာပို့ ဆက်သွယ်နိုင်ပြီး ဆရာဝန်ကြီးနဲ့တွေ့ဆုံဆွေးနွေးမယ့် အချိန်တွေ ကိုပါ ရွေးချယ်မှုပြုလုပ်နိုင် ပါတယ်။ Samitivej PROMPT ကနေ ဆေးရုံတက်ရောက်မှုအတွက် ကနဦးကျသင့်ငွေကိုပါ သိနိုင်ပါတယ်။ ဆစ်မီတဝေ့ဆေးရုံကြီးမှာတက်ရောက်ကုသမှုခံယူချိန်မှာ စိတ်ချမ်းသာမှုရရှိစေဖို့ Samitivej PROMPT ကို အသုံးပြုဖို့ အကြံပေးပါရစေ ။

ဆစ်မီတဝေ့ဆေးရုံကြီးမှာတက်ရောက်ကုသတဲ့ လူနာများအနေနဲ့ မိမိကိုယ်တိုင် လာရောက်ပြသရမည့်ရက်ချိန်းများကို တာဝန်ယူကုသပေးတဲ့ ဆရာဝန်ကြီးများရဲ့ ခွင့်ပြုချက် ရပါကအွန်လိုင်း ဗီဒီယိုကော်ကတစ်ဆင့် ဆွေးနွေးနိုင်ပါတယ်။