ထိုင်းနိုင်ငံအပါအဝင် ကမ္ဘာတစ်ဝန်းလုံးမှာ ဓာတ်မတည့်မှုပြဿနာဟာ တစ်ရိပ်ရိပ်ထိုးတက် လာနေပါတယ်။ လွန်ခဲ့တဲ့ (၁၀) နှစ်တုန်းက ဘန်ကောက်မြို့ရှိကလေးငယ်များရဲ့ ပန်းနာရင်ကျပ် ရောဂါ(Asthma) ခံစားရမှုနှုန်းဟာ (၄.၂) ရာခိုင်နှုန်းရှိခဲ့ပါတယ်။ မျက်မှောက်ကာလမှာတော့ ရောဂါခံစားနေရတဲ့ ကိန်းဂဏန်းဟာ (၁၃) ရာခိုင်နှုန်းထိ ရှိလာခဲ့ပြီး ဆက်လက်မြင့်တက်ဖို့ ရှိနေပါတယ်။ တခြားအဖြစ်များတဲ့ အသက်ရှူလမ်းကြောင်းဆိုင်ရာဓာတ်မတည့်မှုပြဿနာ ဖြစ်တဲ့ ထိပ်ခတ်နာ(Sinusitis) ဟာလည်း လက်ရှိမှာ မြို့နေလူဦးရေရဲ့ (၂၀) ရာခိုင်နှုန်းထိ ရှိနေပါတယ်။ တစ်ဆက်တည်းမှာပဲ လူတွေတော်တော်များများမှာ အစားအသောက်ဓာတ်မတည့်မှုများ ပိုဖြစ်လာပြီး အသက်အန္တရာယ်ခြိမ်းခြောက်တဲ့အထိတောင် ဖြစ်လာပါတယ်။

ထိုင်းနိုင်ငံတွင်း အသက်ရှူလမ်းကြောင်းဆိုင်ရာဓာတ်မတည့်မှု ဖြစ်ပွားစေတဲ့ အကြောင်းအရင်းတွေ သိသိသာသာကို မြင့်တက်လာပါတယ်။ ဆာလ်ဖာဒိုင်အောက်ဆိုဒ် ၊ လမ်းပေါ်ကဖုန်မှုန့်များ ၊ စီးကရက်အငွေ့ ၊ စက်ရုံအလုပ်ရုံများနဲ့ အမြဲပြည့်ကျပ်နေတဲ့ ဘန်ကောက်လမ်းမများထက်က ကားအိတ်ဇောမီးခိုးငွေ့ စတဲ့ လေထုညစ်ညမ်းမှုများဟာ အသက်ရှူလမ်းကြောင်းဆိုင်ရာ ဓာတ်မတည့်မှုဖြစ်ဖို့ ဦးတည်နေတဲ့အကြောင်းအရင်းတွေပဲဖြစ်ပါတယ်။

ဒီပြဿနာကို နောက်ထပ် တွန်းအားပေးတဲ့ အကြောင်းအရင်းတစ်ခုကတော့ မြို့နေလူထုရဲ့ နေထိုင်မှု ပုံစံတွေ ပြောင်းလဲလာခြင်းပဲဖြစ်ပါတယ်။ မိရိုးဖလာအရ ထိုင်းနိုင်ငံတွင်းရှိ အိမ်တွေဟာ သဘာဝ ပတ်ဝန်းကျင်နဲ့ ဘေးပတ်ပတ်လည်က လေတွေ လွတ်လွတ်လပ်လပ်ဝင်နိုင်တဲ့ ပုံစံ တည်ဆောက်ထားကြပါတယ်။ အနောက်တိုင်းဆန်ဆန်တည်ဆောက်ထားတဲ့ အိမ်တွေမှာတော့ လေဝင်လေထွက် အားနည်းပြီး အိမ်မွေးတိရစ္ဆာန်များသာမက ဖုန်တက်နေတဲ့ ကော်ဇောအခင်းတွေလည်း ရှိနေပါတယ်။ ဒီအကြောင်းအရင်းတွေဟာ အိမ်မှာ နေထိုင်သူတွေအတွက် ဓာတ်မတည့်မှုတွေကို အမြဲတစေ အလုံးအရင်းလိုက် ရှူသွင်းစေသကဲ့သို့ ဖြစ်နေပြီး ခန္ဓာကိုယ်မှ ပဋိပ္စည်းတွေ ထုတ်လုပ်အောင် လှုံ့ဆော်ပေးစေပါတယ်။   

ဆစ်မီတဝေ့ဆေးရုံမှာ ကောင်းစွာလေ့ကျင့်သင်ကြားထားတဲ့ ဆရာဝန်များအဖွဲ့ဟာ အသက်ရှူလမ်းကြောင်းဆိုင်ရာနဲ့ တခြား ဓာတ်မတည့်မှုများအတွက် တိကျတဲ့ ရောဂါရှာဖွေမှုများသာမက ချက်ချင်းပြန်လည် သက်သာလာစေဖို့ လျင်မြန်တဲ့ ကုသမှုများကိုပါ ကုသပေးနိုင်ပါတယ်။