သွေးဆုံးပြီးနောက် အပြောင်းအလဲများ

အမျိုးသမီးများအနေနှင့် သွေးဆုံးတဲ့အခါမှာ စိုးရိမ်ကြောက်လန့်မှုများ အနည်းနှင့်အများဆိုသလို ခံစားရတတ်ပါတယ်။ အထီးကျန်ဆန်ခြင်း၊မိမိအတွက်ကိုယ်ချင်းစာကူညီခံစားပေးမည့်သူ မရှိတော့သလို ခံစားရခြင်းများဖြင့် စိတ်ဖိစီးလာပါတော့တယ်။ ယင်းကဲ့သို့ ခံစားချက်များခံစားနေရပြီ ဆိုပါက ကတယောက်တည်း ကျိတ် ခံစားမနေဘဲကျွမ်းကျင်သောအထူးကုနှင့် တိုင်ပင်ဆွေးနွေးအဖြေရှာသင့်ပါတယ်။

အမျိုးသမီးအများစုဟာအသက်ငါးဆယ်ဝန်းကျင်မှာ သွေးဆုံးလေ့ရှိပါတယ်။ သွေးဆုံးသည့်အချိန်ကြုံတွေ့ရသည့် ကျန်းမာရေးဆိုင်ရာအပြောင်းအလဲ များမှာ တစ်ဦးနှင့်တစ်ဦး မတူညီနိုင်ပါ။ အချို့အမျိုးသမီများတွင် ပြောင်းလဲမှုသိပ်မခံစားရပေမယ့် အချို့တွင်မူ ခက်ခဲကြမ်းတမ်းစွာကျော်ဖြတ်ရသည့် အခြေအနေများဖြစ်သွားတတ်ပါတယ်။ မည်သို့ပင်ဆိုစေကာမူ မိမိတွင်မှ ဒီလက္ခဏာများကြုံတွေ့ရသည်ဟု စိတ်ဓာတ်ကျမနေဘဲ မည်ကဲ့သို့ကောင်းမွန်ကျန်းမာစွာ ဆက်လက်နေထိုင်သွားမလဲဆိုတာ အထူးကုနှင့် တိုင်ပင်ဆွေးနွေးအဖြေရှာရမှာဖြစ်ပါတယ်။

သွေးဆုံးတဲ့လက္ခဏာများဟာအမျိုးသမီးတစ်ဦးနဲ့တစ်ဦးမတူညီနိုင်ပါဘူး။ သို့သော်တော်တော်များများဖြစ်လေ့ရှိပြီး ကြုံတွေ့ရတတ် တဲ့ လက္ခဏာများမှာ အောက်ပါအတိုင်းဖြစ်ပါတယ်။

• ပင်ပန်းမောပန်းလွယ်ခြင်း
•  ပူအိုက်လွယ်ခြင်း
•  ရင်တုန်ခြင်း
•  စိတ်ဖိစီးမှုများ၊ စိုးရိမ်ပူပန်မှုများ အရင်ကထက် ပိုခံစားရလာခြင်း
•  ဆံပင်များပါးလာခြင်း
•  အသားအရေ ခြောက်သွေ့ယားယံခြင်း
•  ချွေးထွက်များခြင်း
•  ညဘက်အိပ်မရခြင်း၊ အိပ်ရေးမဝခြင်း
•  ကိုယ်အလေးချိန်တိုးလာခြင်း
•  မွေးလမ်းကြောင်းခြောက်သွေ့ပြီး လင်ယောကျ်ားနှင့်အတူနေလိုစိတ် နည်းပါးခြင်း
•  သတိမေ့ခြင်း
•  စိတ်ဓာတ်ကျခြင်း၊ စိတ်ဂနာမငြိမ်ခြင်း
•  ကြွက်သားများနာကျင်ခြင်း
•  အစာအိမ်၊အူလမ်းကြောင်း ပြဿနာများ
•  ဆီးလမ်းကြောင်းပြဿနာများ စသည်တို့ ခံစားရတတ်ပါတယ်။

အမျိုးသမီးတော်တော်များများဟာ သွေးဆုံးပြီးနောက်ကြုံတွေ့ရသော အပြောင်းအလဲများအတွက်အထူးကုနှင့် တိုင်ပင်ရန် မလိုအပ်ဘူးလို့ လက်ခံထားကြပါတယ်။ ကြီးကြီးမားမားခံစားရမှသာ တိုင်ပင်လိုကြပါတယ်။ အမှန်မှာ သွေးဆုံးပြီး လက္ခဏာများသိသိသာသာမခံစားရရင်တောင် သွေးဆုံးပြီးနောက် အထူးကုနှင့် တစ်နှစ်တစ်ခါ ကျန်းမာရေးစစ်ဆေးမှုခံယူသင့်ပါတယ်။ သွေးဆုံးပြီးနောက်အမျိုးသမီးများဟာ စိတ်ကျရောဂါ၊ နှလုံးရောဂါ၊ သွေးတိုး၊ဆီးချို၊ အရိုးပွခြင်းစသည့်ရောဂါ ဖြစ်ပွားနှှုန်းမြင့်လာတက်တာမို့ နှစ်စဉ် ကျန်းမားရေး စစ်ဆေးပေးသင့်ပါတယ်။

သင့်ကျန်းမာရေးနှင့်ပတ်သက်ပြီး ဆရာဝန်ဆွေးနွေးနိုင်ပြီးအကြောင်းအရာများ

• အရိုးသိပ်သည်းဆ – အရိုးပွရောဂါကိုစစ်ဆေးခြင်း၊ အရိုးတဖြည်းဖြည်းနှင့်ပါးလာခြင်းရောဂါ အထူးသဖြင့်အသက်၄၀ကျော် မီးယပ်သွေးဆုံးပြီးနောက် တွေ့ရတတ်ပါတယ်။
• သွေးပေါင်ချိန် – လေဖြတ်ခြင်း၊ ကျောက်ကပ်နှင့် နှလုံးရောဂါဖြစ်ခြင်းမှ ကြိုတင်ကာကွယ်ခြင်း
• ဆီချို
• သွေးထဲမှာ ပုံမှန်မဟုတ်ဘဲမြင့်​နေတဲ့ ကိုလက်စ်ထ​ရောလ်
• ကိုလက်စ်ထ​ရောလ်
• စိတ်ဓါတ်ကျခြင်း – စိတ်ကျန်းမာခြင်းသည် ရုပ်ပိုင်းဆိုင်ရာ ကျန်းမာခြင်း ကဲ့သို့ပင်အရေးကြီးပါတယ်။

• ကျန်းမာရေးနှင့်ညီညွတ်သော အစားအသောက်များသာ စားသောက်ပါ။ အသင့်စားအစားအစာများ၊ အလွန်ပူစပ်သောအစား များရှောင်ပါ။
• ပေါ့ပါးသောချည်ထည်များသာဝတ်ဆင်ပါ။
•  မိမိနှင့်သင့်တော်သော လေ့ကျင့်ခန်းများပုံမှန် လုပ်ဆောင်ပါ
• စိတ်ဖိစီးမှုတတ်နိုင်သမျှလျှော့ချပါ။ မိမိနှစ်သက်သည့် ဝါသနာ ( ဥပမာ-သီချင်းဆိုခြင်း၊ အပင်စိုက်ခြင်း) များ ဖြင့် စိတ်ဖိစီးမှုများလျှော့ချပေးပါ။
•  အနားယူအိပ်စက်သည့်အချိန်တွင် စိတ်ရောကိုယ်ပါအနားယူပေးပါ။ ညစဉ်အချိန်မှန်အိပ်ပါ။ ညအိပ်ရာဝင်ခါနီး လေ့ကျင့်ခန်းလုပ်ခြင်းကိုရှောင်ကြဉ်ပါ။
•  ကော်ဖီ၊ အရက်၊ဆေးလိပ် ရှောင်ပါ။
• မိသားစု၊မိတ်ဆွေများဆီမှာစိတ်ပိုင်းဆိုင်ရာအကူအညီရယူပါ။ရင်ဖွင့်ပါ။

အပြောင်းအလဲဖြစ်ခြင်းကို အမြဲကြောက်နေစရာ မလိုပါဘူး။ အကောင်းမြင်ပါ။ ကျန်းမာအောင်နေပါ။ တခုခုဆိုရင် အကျိုးအကြောင်းပြောပါ။

ကိုးကားချက်များ

1.  A. Vogel : Menopause Health Hub – Menopause Symptoms. Available from http://www.avogel.co.uk/health/menopause/symptoms/. Accessed on April 17, 2015.
2.  The New York Times – Personal Health – Tackling Menopause’s Health. Available from http://well.blogs.nytimes.com/2014/02/10/tackling-menopauses-side-effects/?_r=0. Accessed on April 17, 2015.
3. News Telegram – Personal Health – Tackling Menopause’s Side Effects. Available from http://www.telegram.com/article/20140212/NEWS/302129992/0. Accessed on April 17, 2015

Photo Credit: tafari.anthony via Compfight cc