လူကြီးတွေချော်လဲခြင်းဟာ အသေးအမွှားကိစ္စတစ်ခုမဟုတ်ပါ

• အသက်ကြီးတဲ့သူများဟာ မတော်တဆချော်လဲခဲ့တယ်ဆိုရင် နောက်ဆက်တွဲပြဿနာများနဲ့ အသက်အန္တရာယ်ကိုခြိမ်းခြောက်နိုင်တဲ့ ဒဏ်ရာတွေ ဖြစ်လာနိုင်တာကြောင့် ဆေးကုသမှုခံယူဖို့ ချက်ချင်းလုပ်ဆောင်သင့်ပါတယ်။
• အသက်ကြီးတဲ့သူများချော်လဲတဲ့အခါမှာ အရွှေ့အပြောင်းလုပ်မယ်ဆိုရင် တခြား ထိခိုက်မှုတွေ ရှိလာနိုင်တာကြောင့် ကျန်းမာရေးဝန်ထမ်းများက လွဲလို့ တခြားသူတွေ မလုပ်သင့်ပါဘူး။

အသက်အရွယ်ကြီးရင့်သူများဟာ သူတို့ရဲ့ ဦးနှောက်လုပ်ဆောင်မှု၊ အမြင်အာရုံ၊ ကိုယ်လက်အင်္ဂါ စတဲ့ ခန္ဓာကိုယ် ချို့ယွင်းမှုများကြောင့် အလွယ်တကူ ချော်လဲနိုင် ခြေများပါတယ်။

အသက်ကြီးတဲ့သူတစ်ယောက်ချော်လဲပြီဆိုရင် အများအားဖြင့် ရှောင်လွှဲလို့မရ နိုင်တဲ့ ပြဿနာကတော့ အရိုးကျိုးခြင်း ဖြစ်ပါတယ်။ ဘာလို့လဲ ဆိုတော့ လူတွေမှာ အသက်ကြီးလာတာနဲ့အမျှ အရိုးများရဲ့ကြံ့ခိုင်မှု ဟာ ယိုယွင်းလာလို့ပဲဖြစ်ပါတယ်။ အရိုးများမှာရှိတဲ့ ကယ်လ်ဆီယမ်ခေါ် သတ္တုဓာတ်များ ချို့တဲ့မှုကြောင့် အရိုးဟာ အလွယ်တကူ ကျိုးသွားနိုင်တာဖြစ်ပါ တယ်။ အထူးသဖြင့် ခါးရိုးနဲ့ဆက်စပ်နေတဲ့အရိုးများ၊ တင်ပါးဆုံရိုး (သို့) လက်ကောက်ဝတ်အဆစ်နေရာများမှာ ကျိုးသွားပြီး သေချာမကုသဘူးဆိုရင် အသက်ကြီးရင့်သူတစ်ဦးရဲ့ ဘဝကို အန္တရာယ်ပေးနိုင်တဲ့အထိ ဖြစ်သွားနိုင်တဲ့ တခြားသောကျန်းမာရေးဆိုင်ရာ နောက်ဆက်တွဲပြဿနာများကို ကြုံတွေ့ရနိုင်မှာဖြစ်ပါတယ်။

တင်ပါးဆုံရိုးကျိုးခြင်း ဟာ အသက်ကြီးတဲ့သူတွေ ချော်လဲတဲ့အခါ အဖြစ်အများဆုံး ကိစ္စဖြစ်ပြီး တင်ပါးနာကျင်ခြင်းဝေဒနာကို ခံစားရမှာဖြစ်ကာ အဲဒီနေရာကို အလေးချိန်သက်ရောက်မှု မခံနိုင်တဲ့အထိ ဖြစ်နိုင်ပါတယ်။  တချို့ သက်ကြီးပိုင်းများအနေနဲ့ ပေါင်ခြံထိပ်ပိုင်းမှာ သွေးခြေဥတာမျိုးဖြစ်နိုင်ပြီး ခြေတစ်ဖက်သိမ်ခြင်း (သို့) ခြေဖဝါးအစွန်းပိုင်းအပြင်ဘက်ကို ကားထွက်ခြင်း စတဲ့ ခြေထောက် အောက်ပိုင်းမှုမမှန်မှုများကို ခံစားရနိုင်ပါတယ်။ ဒီလိုအခြေအနေမျိုးမှာ တခြား လိုအပ်တဲ့ ရောဂါရှာဖွေမှုများ ဆက်လက်လုပ်ဆောင်နိုင်ဖို့ ချက်ချင်း ဆေးရုံမှာ သွားရောက်ပြသသင့်ပါတယ်။

တင်ပါးဆုံရိုးကျိုးခြင်းဟာ ကျိုးသွားတဲ့နေရာ နဲ့ ထိခိုက်မိတဲ့အရိုးနေရာ လှုပ်ရှားမှု အပေါ်မူတည်ပြီး ကုသမှုနည်းလမ်းတွေ ကွဲပြားသွားပါတယ်။

 ၁။ပေါင်ထိပ်ရိုးကျိုးခြင်း

• အရိုး တည်နေရာမလွဲသွားဘူးဆိုရင် အရိုးကိုပြန်လည် တည့်မတ်နိုင် ဖို့အတွက် မူလီစုပ်ပြီး ကုသရပါမယ်။
• တကယ်လို့ အရိုးဟာလုံးဝ နေရာလွဲသွားပြီဆိုရင်တော့ အရိုးအစားထိုးခွဲစိတ်ကုသမှုလုပ်ဆောင်ဖို့ ဆရာဝန်တွေက စဉ်းစားပါ လိမ့်မယ်။

၂။ Intertrochanteric Fractures လို့လည်းခေါ်တဲ့ ပေါင်ထိပ်ရိုးကျိုးခြင်း ကို ခွဲစိတ်ကုသမှုအပြင် အရိုးရဲ့အတွင်းပိုင်းတည်ဆောက်ပုံကို တည့်မတ်စေဖို့ သတ္တုချောင်းထည့်ပြီး ကုသပါတယ်။

တင်ပါးဆုံရိုးကျိုးခြင်းကို သင့်လျော်တဲ့ရောဂါရှာဖွေမှုနည်းလမ်းများနဲ့ သေချာအဖြေရှာသင့်ပြီး အံဝင်ခွင်ကျအဖြစ်ဆုံး ကုသမှုနည်းလမ်းနဲ့ အမြန်ဆုံး ကုသရပါမယ်။ တကယ်လို့ ခွဲစိတ်ကုသမှုလိုအပ်တဲ့အခြေအနေဆိုရင် ( လူနာ အနေနဲ့ ခွဲစိတ်ကုသမှုကို အဟန့်အတားဖြစ်စေတဲ့အခြေအနေမရှိဘူးဆိုရင်) အမြန်ဆုံးခွဲစိတ်ကုသသင့်ပါတယ်။

ခွဲစိတ်ပြီးနောက် လူနာများအနေဖြင့် လမ်းလျှောက်ခြင်းနှင့် ဟန်ချက်ညီမှုအတွက် အထောက်အကူပြုရန်
ကိုယ်ခန္ဓာပြန်လည်သန်စွမ်းရေး ကုထုံးများ ခံယူရန် လိုအပ်ပါတယ်။ ထိုမှသာ ခန္ဓာကိုယ်အား အပြည့်အဝနှင့် လျင်မြန်စွာ ပြန်လည်ကောင်းမွန်ရန် အကောင်းဆုံးအခွင့်အရေးကို ပေးစွမ်းနိုင်မည်ဖြစ်ပါတယ်။

တင်ပါးဆုံရိုးကျိုးသွားတဲ့လူကြီးတွေကို သာမန်ဒဏ်ရာလောက်ပါပဲ ဆိုပြီး ပေါ့ပေါ့ဆဆ မမှတ်ယူသင့်ပါဘူး။  ကျိုးသွားတဲ့အရိုးတွေကသူ့အလိုလို ပြန်ကောင်းပြီး ပြန်ဆက်မသွားနိုင်ပါဘူး။ ပြန်ဆက်သွားတယ်ဆိုရင်တောင် ပုံမှန် မဟုတ်တဲ့ အနေအထားနဲ့ ဆက်သွားမှာဖြစ်ပါတယ်။ ဒဏ်ရာရဲ့နောက်ဆက်တွဲ ပြဿနာများအနေနဲ့ အိပ်ယာထဲမှာ အကြာကြီးလှဲနေရတဲ့ အနေအထားကနေ တစ်ဆင့်ဖြစ်လာနိုင်တဲ့ အိပ်ယာနာရောဂါ(Bed Sore)၊ ဆီးလမ်းကြောင်း ပိုးဝင်ခြင်း၊ အသက်ရှူလမ်းကြောင်းပိုးဝင်ခြင်း၊ ခြေထောက်မှာရှိနေတဲ့ အဓိက သွေးကြေားများကိုထိခိုက်စေတဲ့သွေးခဲခြင်း စတာတွေ ဖြစ်လာနိုင်ပါတယ်။ ဒီလို ပြဿနာတွေအားလုံးကို ကုသမှုနည်းလမ်းနဲ့ ကျော်လွှားနိုင်ပါတယ်။

၁။ အတွင်းတိမ်ကြောင့်ဖြစ်တဲ့အမြင်အာရုံ ဝေဝါးခြင်း၊ ဦးနှောက်ချို့ယွင်းမှု ကြောင့်ဖြစ်တဲ့ခေါင်းမူးခြင်း၊ အရိုးပါး / အရိုးပွခြင်း(Osteoporosis)၊ ကြွက်သားအားနည်းခြင်း စသဖြင့် အသက်ကြီးသူများမှာအဖြစ်များပြီး ရုတ်တရက်ချော်လဲခြင်းကိုဖြစ်စေနိုင်တဲ့ ရောဂါပြဿနာများကို ကြိုတင် စစ်ဆေးပါ။ ရောဂါဖြစ်တယ်ဆိုတာကိုတွေ့ရတယ်ဆိုရင် ချော်လဲခြင်းကိုဖြစ် စေနိုင်တဲ့ ရောဂါပြဿနာများကိုကုသနိုင်ဖို့ ဆရာဝန်နဲ့ပြသတိုင်ပင်ပါ။

၂။ လူကြီးများ ချော်လဲနိုင်ခြေကိုလျှော့ချဖို့ အိမ်တွင်းမှာရှင်းရှင်းလင်းလင်း မြင်ရအောင်မီးများတပ်ဆင်ခြင်း၊ ပြောင်ချောနေတဲ့မျက်နှာပြင်ပမာဏကို လျှော့ချခြင်း၊ လူကြီးတစ်ယောက်အတွက် ပိုပြီးအဆင်ပြေသင့်လျော်စေဖို့ လှေကားထစ်အရေအတွက်ကိုလျှော့ချခြင်း စတာတွေကိုလုပ်ဆောင်ပြီး လူကြီးများအနီးမှာရှိနေတဲ့ ဖြစ်နိုင်ခြေအန္တရာယ်ကိုလျှော့ချပါ။

၁။ အသက်အရွယ်ကြီးသူတစ်ယောက်ဟာ မတ်တပ်မရပ်နိုင်တဲ့အခြေအနေ (သို့) ခါးမှာအလေးချိန်သက်ရောက်မှုကိုမခံနိုင်တဲ့အခြေအနေ

၂။ ချော်လဲတဲ့နေရာပုံမှန်မဟုတ်ခြင်း(သို့) ရုတ်တရက် နာကျင်ရောင်ရမ်းမှု ကိုခံစားရတဲ့အခြေအနေ

၃။ လမ်းမလျှောက်နိုင်ခြင်း(သို့) လမ်းလျှောက်ရင် ထော့နင်းထော့နင်းဖြစ်ခြင်း (သို့)ခါးမှာအလေးချိန်သက်ရောင်မှုကိုမခံနိုင်တဲ့အခြေအနေ

၁။ ချော်လဲသွားတဲ့ လူကြီးကို သူလဲကျခဲ့တဲ့နေရာမှာပဲ ရှိနေပါစေ။

၂။ လိုအပ်တဲ့ဆေးကုသမှုများလုပ်ဆောင်နိုင်ဖို့ ဆေးရုံကား ချက်ချင်းခေါ်ပါ။

***အသက်အရွယ်ကြီးတဲ့လူနာကို နောက်ထပ်ဒဏ်ရာတွေ ထပ်ရစေနိုင်မယ့် ရွှေ့ပြောင်းခြင်း၊ မ ခြင်း များကို မလုပ်ဆောင်မိစေဖို့ အလွန်အရေးကြီးပါတယ်။

မိမိအိမ်မှာရှိနေတဲ့ အသက်ကြီးတဲ့ လူကြီးများကို သက်သောင့်သက်သာ ဖြစ်နေစေဖို့ နဲ့ စောင့်ရှောက်မှုပေးနိုင်ဖို့ နည်းလမ်းများကို မိသားစုဝင်များ အားလုံး ကောင်းစွာ သိရှိထားသင့်ပါတယ်။ အထူးသဖြင့် လူကြီးများ ချော်လဲခြင်းကနေ ကာကွယ်နိုင်ဖို့အတွက် သူတို့ရဲ့သွားလာလှုပ်ရှားမှု မှန်သမျှကို အမြဲစောင့်ကြည့် နေရပါမယ်။ ချော်လဲနိုင်ခြေရှိတဲ့ အန္တရာယ်မှန်သမျှကို အတတ်နိုင်ဆုံး ရှာဖွေဆန်း စစ်ပြီး လိုအပ်တဲ့ အိမ်တွင်းပြင်ဆင်မှုများကို လုပ်ဆောင်ပါ။ ချော်လဲခြင်းရဲ့ အကျိုးဆက်ဟာ သင် ထင်ထားတာထက် ပိုပြီး အန္တရာယ်များပါတယ်။ အိမ်မှာရှိတဲ့ လူကြီးတစ်ယောက်ချော်လဲခြင်းဟာ သူတို့ရဲ့ ဘဝသက်တမ်းမှာ ချို့ယွင်းပြိုလဲခြင်းနဲ့ နောက်ဆက်တွဲကျန်းမာရေးပြဿနာများကိုဖြစ်စေတယ် ဆိုတာကို နားလည်ထားရပါမယ်။ သင်အပါအဝင် ကျွန်တော်တို့အားလုံးဟာ ကိုယ်ချစ်တဲ့သူတွေကို ဒီလိုမဖြစ်စေချင်တာကြောင့် အိမ်မှာရှိတဲ့ လူကြီးတွေ ချော်လဲခြင်းမျိုးမကြုံရလေအောင် ကြိုတင်ပြင်ဆင်ကာကွယ်ထားဖို့ လိုပါတယ်။