Pinnaparng Sripahol, M.D. on ၂၇ ဇွန် ၂၀၂၃
3 min read
4.0
အမျိုးသမီးများဟာ မျိုးပွားနိုင်တဲ့အသက်အရွယ်ရောက်တဲ့အခါ (၂၁)ရက် ကနေ (၃၅) ရက်တိုင်းမှာတစ်ခါ ဓမ္မတာလာလေ့ရှိပါတယ်။ ရာသီစက်ဝန်း ရောက်ချိန်တိုင်း မိန်းမကိုယ်ကနေသွေးဆင်းခြင်းဟာ ခန္ဓာကိုယ်အရွယ်အစား ၊ အသက်အရွယ် ၊ စိတ်ဖိစီးမှု ၊ မျိုးရိုးဗီဇ စတာတွေအပေါ်မူတည်ပြီး (၇)ရက်-(၈)ရက်ထက် ကြာလေ့ မရှိပါဘူး။ အမျိုးသမီးများဟာ အသက်(၄၅)-(၅၅)နှစ်အထိ (သို့) မီးယပ်သွေးရပ်ခြင်း (သွေးဆုံးခြင်း) အချိန်ရောက်တဲ့အထိ ဓမ္မတာသွေးဆင်းလေ့ရှိပါတယ်။ တကယ်လို့ အမျိုးသမီးတစ်ဦးဟာ ဓမ္မတာလာချိန်မဟုတ်ဘဲ မိန်းမကိုယ်ကနေ သွေးဆင်းနေ တယ်ဆိုရင် လိင်မှတစ်ဆင့်ကူးစက်တတ်တဲ့ရောဂါများ ၊ သားအိမ်ဝရောင်ခြင်း၊ မိန်းမကိုယ်ရောင်ခြင်း၊ သန္ဓေသားနေရာလွဲမှားခြင်း အပါအဝင် ကျန်းမာရေးပြဿနာများ ဖြစ်နေတယ် ဆိုတာကိုညွှန်ပြနေပါတယ်။ ဒီလိုမျိုး သွေးဆင်းခြင်းဟာ မျိုးပွားမှုစနစ်မှာဖြစ်တဲ့ကင်ဆာအပါအဝင် ပိုမိုဆိုးရွား တဲ့ ရောဂါများအထိဖြစ်လာနိုင်တယ်ဆိုတာကို နားလည်ထားဖို့လိုပါတယ်။ ဒါကြောင့် အမျိုးသမီးတစ်ယောက်ဟာ ဓမ္မတာလာချိန်မဟုတ်ဘဲ မိန်းမကိုယ်ကနေ သွေးထွက် နေမယ်ဆိုရင် တိတိကျကျအကြောင်းအရင်းရှာဖွေပြီး သင့်လျော်တဲ့ကုသမှုခံယူနိုင်ဖို့ ဆရာဝန်နဲ့ ပြသဆွေးနွေးသင့်ပါတယ်။
ပုံမှန်မဟုတ်ဘဲ မိန်းမကိုယ်မှ သွေးဆင်းခြင်းဟာ အကြောင်းအရင်းအမျိုးမျိုးကြောင့် ဖြစ်နိုင်ပါတယ်။ ဒါပေမယ့် မိန်းမကိုယ်က သွေးဆင်းခြင်းဟာ အောက်ဖော်ပြပါ လက္ခဏာများနဲ့ တွဲပြီး ဖြစ်လာပြီဆိုရင်တော့ အကြောင်းအရင်းကို တိတိကျကျ ရောဂါ ရှာဖွေပြီး ကုသမှုခံယူဖို့ ဆရာဝန်နဲ့ အမြန်ဆုံးပြသတိုင်ပင်သင့်ပါတယ်။
တကယ်လို့ ပုံမှန်မဟုတ်ဘဲ မိန်းမကိုယ်ကနေသွေးဆင်းနေတယ်ဆိုရင် ရောဂါရှာဖွေ စစ်ဆေးဖို့ ဆရာဝန်နဲ့ ပြသတိုင်ပင်သင့်ပါတယ်။ ဆရာဝန်မှ ကျန်းမာရေးရာဇဝင် ကို လေ့လာသုံးသပ်ခြင်း ၊ ရာသီစက်ဝန်းနဲ့ပတ်သက်ပြီးမေးမြန်းခြင်းအပြင် အောက်ဖော်ပြ ပါ စမ်းသပ်စစ်ဆေးမှုတွေကိုလည်း ပြုလုပ်သွားမှာဖြစ်ပါတယ်။
သားအိမ်နဲ့ မမျိုးဥအိမ် မူမမှန်မှုများကိုသိရှိဖို့ ဝမ်းဗိုက်အောက်ပိုင်း(သို့) သားအိမ် အတွင်းပိုင်းကိုစမ်းသပ်စစ်ဆေးခြင်း
လိင်မှတစ်ဆင့်ကူးစက်တတ်တဲ့ရောဂါ (သို့) သားအိမ်ကင်ဆာ ရောဂါကြောင့် ရောဂါပိုးဝင်ခြင်းကိုသိရဖို့သားအိမ်အသားစ နမူနာယူစစ်ဆေးခြင်း
သားန္ဓေသားနေရာလွဲမှားခြင်း ၊ အချင်းရှေ့ရောက်ခြင်း ၊ အချိန်မတိုင်မီ သားအိမ်နံရံကနေအချင်းကွာကျခြင်း ၊ ကိုယ်ဝန်ပျက်ကျခြင်း စတဲ့အခြေအနေ များအတွက် ကိုယ်ဝန်ကိုစစ်ဆေးခြင်း
သွေးအလွန်အကျွံဆင်းခြင်းကနေတစ်ဆင့် သွေးအားနည်းရောဂါဖြစ်လာနိုင် တာကြောင့် သွေးဆဲလ်များရဲ့ ကျန်းမာမှုကိုသိရဖို့ သွေးစစ်ခြင်း
ပုံမှန်မဟုတ်ဘဲမိန်းမကိုယ်မှသွေးဆင်းခြင်းအတွက်ကုသမှုဟာ ဖြစ်ပွားရတဲ့အကြောင်းအရင်းနဲ့ အခြေအနေပြင်းထန်မှုအပေါ်မူတည်ပါတယ်။
သားအိမ်ခေါင်းကင်ဆာ ၊ သားအိမ်အတွင်းလွှာကင်ဆာ ၊ မ မျိုးဥအိမ်ကင်ဆာ ၊ မွေးလမ်းကြောင်းကင်ဆာကဲ့သို့ မျိုးပွားမှုစနစ်မှာဖြစ်တဲ့ကင်ဆာများကြောင့် မိန်းမကိုယ် က သွေးဆင်းတယ်ဆိုတာကို ရှာဖွေတွေ့ရှိရင်တော့ ဆရာဝန်က အောက်ပါ ကုသမှု နည်းလမ်းတွေကို လမ်းညွှန်ပေးမှာဖြစ်ပါတယ်။
ဒါပေမယ့် သွေးဆင်းခြင်းဟာ သင့်ရဲ့ကျန်းမာရေး ကိုထိခိုက်စေပြီဆိုရင်တော့ ပြန်လည်ဖြစ်ပွားခြင်းနဲ့ ပိုမိုဆိုးရွားတဲ့အခြေအနေ မရောက်စေဖို့ သင့်လျော်တဲ့ကုသမှုတွေ လုပ်ဆောင်ဖို့လိုပါတယ်။ ဒီအလိုရောဂါ အခြေအနေတွေဟာ သက်သာအောင်ကုသလို့ရသလို တချို့အခြေအနေ များကတော့ အသက်အန္တရာယ်ထိ ဒုက္ခပေးတတ်တာမို့ အမျိုးသမီးများအနေနဲ့ သတိကြီးစွာထားရမှာြဖစ်ကြောင်း တိုက်တွန်းပြောကြားလိုပါတယ်။
ဆက်သွယ်ရန်
ကျန်းမာရေးအတွက် စိတ်ပူမိသမျှ
သိချင်တာရှိရင် မေးခဲ့ပါ။သင့်ကိုယ်ရေးအချက်အလက်များသိမ်းဆည်းရန်နှင့် နောက်ရက်ချိန်းအသစ် ချိတ်နိုင်ရန် မှတ်ပုံတင်ပါ။
မှတ်ပုံတင်ပြီးသားလား။ ဝင်ရန်
