ပျိုပျိုမေတို့သတိထားစရာလက္ခဏာတစ်ခုဖြစ်တဲ့ Chocolate Cyst

• မမျိုးဥအိမ်အတွင်းဖြစ်တဲ့သွေးခဲအရည်အိတ်(သို့)Chocolate Cyst ဆိုတာဟာ အမျိုးသမီးတွေ မျိုးပွားနိုင်တဲ့အသက်အရွယ်မှာ တွေ့ရလေ့ရှိတဲ့ ဖြစ်စဉ် တစ်ခုဖြစ်ပါတယ်။  ပုံမှန်အားဖြင့် အမျိုးသမီးတွေဟာ ဓမ္မတာ လာချိန်မှာ နာတာရှည် ဗိုက်အောင့်ခြင်းကိုခံစားရလေ့ရှိပြီး တစ်လထက် တစ်လ ဗိုက်အောင့်ခြင်းဟာ ပိုမိုဆိုးရွားလာပါတယ်။
• Chocolate Cyst ဟာ သန္ဓေအောင်ခြင်းကို ထိခိုက်မှုဖြစ်စေပါတယ်။ တစ်နည်းအားဖြင့် ကလေးရဖို့အနှောင့်အယှက်ဖြစ်စေပါတယ်။

Chocolate Cyst လို့ခေါ်တဲ့ မမျိုးဥအိမ်အတွင်း ဖြစ်တဲ့ သွေးခဲအရည်အိတ်ဟာ အမျိုးသမီးများ မျိုးပွားနိုင်တဲ့အသက်အရွယ်မှာ တွေ့ရလေ့ရှိတဲ့ ဖြစ်စဉ်တစ်ခုပါ။  Chocolate Cyst ရဲ့ လက္ခဏာများကို တိတိ ကျကျ သတ်မှတ်လို့ မရဘဲ တခြားပုံစံတစ်ခုအနေနဲ့လည်း တွေ့ရတတ်ပါတယ်။ ပုံမှန်အားဖြင့် အမျိုးသမီး တွေဟာ ဓမ္မတာ လာချိန်မှာ နာတာရှည် ဗိုက်အောင့်ခြင်းကိုခံစားရလေ့ရှိပြီး တစ်လထက် တစ်လ ဗိုက်အောင့်ခြင်း ဟာ ပိုမိုဆိုးရွားလာပါတယ်။ အရှေ့ဘက်ခြမ်းမှာ ချက် နေရာကနေ တင်ပါးဆုံအထိ နာကျင်မှုခံစားရသလို အနောက်ဘက်ခြမ်းမှာ ခါးကနေ မြှီးညောင့်ရိုးအထိ နာကျင်မှုကိုခံစားရပါတယ်။ တစ်ခါတစ်လေမှာ ဒီလိုနာကျင်မှုဟာ မေ့မြောသွားသည်အထိဖြစ်တတ်ပါတယ်။ ဒါ့အပြင် ဝမ်းသွားတဲ့အချိန်မှာ ဗိုက်မအီမသာဖြစ်ခြင်း၊ လေပွခြင်း၊ ဝမ်းလျှောခြင်း နဲ့ နာကျင်ခြင်းများ ခံစားရနိုင်ပါတယ်။ ဒါ့အပြင် လိင်ဆက်ဆံတဲ့အချိန်မှာ အစာအိမ်၊ နောက်ကျော၊ ခြေထောက် နာကျင်ခြင်းများလည်း ဖြစ်နိုင်ပါတယ်။ ဒါ့အပြင် သွေးသွန်ခြင်း(သို့) ဆီးသွားစဉ်သွေးပါခြင်း၊ ပုံမှန်ထက်ပိုပြီးဆီးသွားခြင်း များလည်း ခံစားရနိုင်ပါတယ်။ ဒီအခြေအနေမှာ သားအိမ်ပြွှန်တင်းကျပ်ခြင်းမှ တစ်ဆင့် သန္ဓေမအောင်ခြင်းအထိ ဆိုးရွားနိုင်ပါတယ်။ တစ်ခါတစ်လေမှာ သားအိမ်အတွင်းဆုံးတစ်ရှူးလွှာ(Endometrium) ကြီးထွားလာခြင်းကြောင့်လည်း သားအိမ်ပြွန်ကို ယိုယွင်းပျက်စီးသွားစေပါတယ်။

အမျိုးသမီးတော်တော်များများဟာ ဓမ္မတာလာခြင်းကြောင့်ဖြစ်တဲ့ ဗိုက်အောင့်ခြင်း နဲ့ Chocolate Cyst ကြောင့်ဖြစ်တဲ့ ဗိုက်အောင့်ခြင်းကို ကွဲကွဲပြားပြားမသိကြပါ ဘူး။ ဒါကို အမျိုးသမီးများအနေနဲ့ ကိုယ်တိုင်စမ်းသပ်စစ်ဆေးနိုင်ပါတယ်။ ပုံမှန်အားဖြင့် Chocolate Cyst ဟာ အသက် (၂၀)ကနေ (၄၀) အတွင်း အမျိုးသမီးများမှာ ဖြစ်တတ်ပါတယ်။ တကယ်လို့ ဒီအသက်အရွယ်အပိုင်းအခြား မှာရှိတဲ့ အမျိုးသမီးတစ်ယောက်အနေနဲ့ ဓမ္မတာလာစဉ်မှာ ဒီလိုမျိုး ဗိုက်အောင့်ခြင်းဝေဒနာကို အရင်က မဖြစ်ဖူးဘူးဆိုရင် Chocolate Cyst ကြောင့် ဗိုက်အောင့်ခြင်း ဖြစ်နိုင်ပါတယ်။

Chocolate Cyst ကို ဆေးပညာမှာ Endometriosis လို့ ခေါ်ဝေါ်ပါတယ်။ အမျိုးသမီးရဲ့ သားအိမ် ကို နှင်းသီး တစ်လုံးနဲ့ နှိုင်းယှဉ်ကြည့်ပါစို့။ သားအိမ်အတွင်းဆုံးတစ်ရှူးလွှာ(Endometrium) ဆိုတာဟာ နှင်းသီးအတွင်းမှာ ရှိတဲ့ ပျော့ဖပ်ဖပ်နဲ့ အမျှင်လိုက်ဖြစ်နေတဲ့ နူးညံ့တဲ့မျက်နှာပြင်တွေလိုပါပဲ။ အမျိုးသမီးများဓမ္မတာလာတဲ့အခါမှာ ၎င်းပါးလွှာတဲ့အလွှာဟာ ကွာကျသွားပြီး ဓမ္မတာသွေးများနဲ့ ရောသွားကာ မအင်္ဂါ မှတစ်ဆင့်ထွက်လာပါတယ်။ ဒါပေမယ့် တချို့သော သွေးများဟာ အပြင်ထွက်မလာဘဲ သားအိမ်ပြွှန်အတွင်း ပြန်လည်စီးဆင်းသွားပြီး သားအိမ်အတွင်းဆုံးတစ်ရှူးလွှာ မှာ မြုပ်ဝင်သွားပါ တယ်။ သားအိမ်လွှာဆဲလ်များဟာ အစေ့များနဲ့ အလားသဏ္ဍာန်တူပြီး တဖြည်းဖြည်း ကြီးလာကာ အကျိတ်(Cyst)များအဖြစ် ပြောင်းလဲသွားပါတယ်။ အဆိုပါ အကျိတ်(Cyst)များဟာ တင်ပါးဆုံမျက်နှာပြင်၊ သားအိမ်ပြွန်၊ အူ၊ မအင်္ဂါ၊ သားအိမ် စတဲ့ အစိတ်အပိုင်းများမှာ ကြီးထွားလာပါတယ်။

အကျိတ်(Cysts)ကြီးထွားမှု အများဆုံးဖြစ်တဲ့နေရာကတော့ မမျိုးဥအိမ် ဖြစ်ပါတယ်။ ဘာလို့လဲဆိုတော့ မမျိုးဥအိမ်ဟာ မဟော်မုန်း(Estrogen) ပမာဏ အများဆုံးရှိတဲ့နေရာဖြစ်ပြီး ကြီးထွားမှုအတွက် အကောင်းဆုံးအနေအထားရှိတဲ့ နေရာဖြစ်တာကြောင့်ပါ။ အမျိုးသမီးတစ်ဦး ဓမ္မတာလာတဲ့အချိန်မှာ သားအိမ်အတွင်းဆုံးတစ်ရှူးလွှာ (Endometrium) ဟာ ကွာကျပြီး သွေးများထုတ်လွှတ်ပေးပါတယ်။ ဒါပေမယ့် သားအိမ်အတွင်းတစ်ရှူးလွှာဟာ သားအိမ်ထဲရောက်သွားပြီး သွေးများထုတ်လွှတ် တဲ့အခါ အဲဒီသွေးတွေဟာ ဆက်သွားစရာနေရာမရှိတော့ပါဘူး။ ဒီလိုအခြေအနေမှာ တဖြည်းဖြည်း သွေးတွေ စုခဲလာပြီး ဘောလုံးတစ်လုံးလို ဖြစ်လာကာ အရည်တွေစုလာသလို အကျိတ်(Cyst) ဟာ တဖြည်းတဖြည်းဖြည်း သွေးတွေနဲ့ ပြည့်လာပါတယ်။ သွေးတွေဟာ အကျိတ်ထဲမှာ အချိန်ကြာကြာ စုလာတဲ့အခါမှာ အညိုရောင်သန်းလာကာ ချောကလက်နဲ့တူလာတာကြောင့်      “ Chocolate Cyst  ” လို့ ခေါ်ဝေါ်တာဖြစ်ပါတယ်။ တကယ်လို့ နာကျင်မှုဟာ တစ်လ ထက်တစ်လ ပိုပြီးဆိုးရွားလာကာ အလုပ်မသွားနိုင်တော့တဲ့အထိ ဖြစ်လာတယ်ဆိုရင် ကိုယ့်မှာ Chocolate Cyst ရှိနေပြီလားဆိုတဲ့ သံသယ အသိနဲ့ သတိထားသင့်ပါတယ်။

အကောင်းဆုံးကတော့ သေချာစစ်ဆေးနိုင်ဖို့အတွက် ဆရာဝန်နဲ့ မြန်နိုင်သမျှ အမြန်ဆုံးဆွေးနွေးတိုင်ပင်ခြင်းပါပဲ။  တကယ်လို့ ကိုယ့်မှာ Chocolate Cyst ရှိတာသေချာနေပြီဆိုရင် စောစောစီးစီးကုသခြင်းက အကောင်းဆုံး ရွေးချယ်မှု ပါပဲ။ တကယ်လို့ လက္ခဏာအရမ်းမပြင်းထန်ဘူးဆိုရင် ဆရာဝန်က လူနာအနေနဲ့ ကိုယ်တိုင်သေချာစောင့်ကြည့်ဖို့ ညွှန်ကြားမှာဖြစ်ပြီး ပုံမှန်စစ်ဆေး ဖို့အတွက် နောက်တစ်ကြိမ်ပြန်လာရမှာဖြစ်ပါတယ်။ တကယ်လို့ လက္ခဏာတွေက ပိုမိုဆိုးရွားလာတယ်ဆိုရင် ဆရာဝန်က ဆေးဝါး များအသုံးပြုပြီး ကုသပေးမှာဖြစ်ပါတယ်။ တကယ်လို့ လူနာဟာ ဆေးဝါးများ သောက်သုံးခဲ့ပြီးပေမယ့် ထိရောက်မှုမရှိဘူးဆိုရင် ခွဲစိတ်မှုနည်းလမ်း ကို ရွေးချယ် နိုင်ပါတယ်။ ယနေ့ခေတ်မှာတော့ ခေတ်မီဆေးဘက်ဆိုင်ရာကိရိယာ များကို အသုံးပြုတဲ့ စံ ကုသမှုနည်းလမ်းဖြစ်တဲ့ ကိရိယာအသုံးပြုခွဲစိတ်ကုသမှု (Laparoscopic Surgery) ကို ရွေးချယ်ကြပါတယ်။ ၎င်းနည်းလမ်းဟာ ထိုးဖောက်မှုအနည်းဆုံးခွဲစိတ်ကုသမှု(MIS)တစ်ခုဖြစ်ပြီး လွန်စွာထိရောက်တဲ့ ခွဲစိတ်ကုသမှုနည်းပညာဖြစ်ပါတယ်။ လူနာအနေနဲ့ ခွဲကြောင်းသေးသေးလေး သာ ရှိမှာဖြစ်ပြီး နာကျင်မှုအနည်းဆုံးနဲ့ မြန်မြန်ဆန်ဆန် ပြန်လည်သက်သာလာ နိုင်ပါတယ်။ လုံးဝကို စိုးရိမ်စရာမလိုတဲ့နည်းလမ်းတစ်ခုပါ။

ဆစ်မီတဝေ့ဆေးရုံရဲ့ ခွဲစိတ်ကုသခန်းများမှာ 3D-4K နည်းပညာများ အသုံးပြုထားတာကြောင့် တိကျမှုမြင့်မားပြီး ပိုမိုဘေးကင်းလုံခြုံပါတယ်။ 3D-4K ဆိုတာ ဘာလဲ ဆိုပြီး မေးခွန်းရှိကောင်းရှိပါလိမ့်မယ်။ ပုံရိပ်ကြည်လင်ပြတ်သားမှု 4K အထိရှိတဲ့ မျက်နှာပြင်(ပြည့်ဝတဲ့ HD အရည်အသွေးရဲ့ လေးဆ) နဲ့ ၃ ဖက်မြင် နည်းပညာ(3D Imaging) တို့ကြောင့် ရှင်းလင်းပြတ်သားစွာ ကြည့်ရှုနိုင်ပြီး အသေးစိတ်အချက်အလက်များကို အတွင်းကျကျ သိရှိနိုင်ပါတယ်။ ပိုမိုတိကျပြတ်သားတဲ့မြင်ကွင်းနဲ့ ခွဲစိတ်ကုသမှုကိုပေါင်းစပ်ထားတဲ့ ခေတ်မီနည်းပညာတစ်ခုဖြစ်ပါတယ်။ ဒါ့အပြင် ချဲ့ကြည့်ရမယ့်အရာတွေအတွက် Pixelation(Screen တစ်ခုရဲ့ အသေးဆုံးအကွက်) မလိုဘဲ ကြည့်ရှုန်ိုင်ပါတယ်။