ခါးဆစ်အရိုးနုကျွံခြင်းဝေဒနာအတွက်ခေတ်မီကုသမှုနည်းလမ်းများ

ကျွန်တော်တို့လူသားတွေအားလုံးရဲ့ (၈၀)ရာခိုင်နှုန်းဟာ ခါးနာခြင်းကို ကြုံဖူးကြပါ တယ်။ အသက်အရွယ်အပေါ်မူတည်ပြီး နာကျင်မှုဝေဒနာအတိမ်အနက် ရှိပေမယ့် လူအများစုကတော့ ခါးနာခြင်းဝေဒနာဟာ တစ်ကြိမ်(သို့) တခြားအချိန်မှာ ခံစားရတာ ကို လက်ခံထားကြပါတယ်။ ခါးနာခြင်းဟာ ကြွက်သားအားစိုက်ထုတ်မှုများခြင်းကြောင့် လို့ ယေဘုယျအားဖြင့် သတ်မှတ်လို့ရပါတယ်။ ဒါပေမယ့် တခြား ဖြစ်နိုင်တဲ့ အကြောင်းအရင်းကတော့ ခါးဆစ်အရိုးနုကျွံခြင်း(Herniated Disc)  ပဲဖြစ်ပါတယ်။ ဒီလိုမျိုး လူနာတွေဟာ ဆရာဝန်တွေနဲ့ သေချာဆွေးနွေးတိုင်ပင်သင့်ပါတယ်။ ခါးဆစ်အရိုးနုကျွံခြင်းကြောင့် ဖြစ်တဲ့နာကျင်မှုဝေဒနာဟာ လွန်စွာပြင်းထန်ပြီး ခါးနာခြင်း သာမက နောက်ဆက်တွဲအဖြစ် ခြေထောက်တစ်ဖက်(သို့) နှစ်ဖက်လုံး နာကျင်နေပြီး ကြွက်သားအားနည်းကာလမ်းမလျှောက်နိုင်ခြင်း ထိဖြစ်နိုင်တာကြောင့် မိမိတို့ရဲ့ နေ့စဉ်ဘဝနေထိုင်လှုပ်ရှားမှုများကို ထိခိုက်စေမှာဖြစ်ပါတယ်။

ကျောရိုးတစ်လျှောက်မှာရှိတဲ့ အရိုးနုပြားလေးတွေဟာ အရိုးနုအဆစ်အမျိုးအစားတစ်ခု ဖြစ်ပါတယ်။ ၎င်းနျူးကလီးယက်စ်ကို Mucoprotein ခေါ် ပရိုတိန်းအရည်တစ်မျိုးနဲ့ ဖွဲ့စည်း ထားကာ ကွေးညွတ်နိုင်မှုမြင့်မားပြီး ဂျယ်လီလို အရာမျိုးဖြစ်ပါတယ်။ အရိုးနုပြား များဟာ ကျောရိုးမကြီးရဲ့ အရိုးအဆက်(Vertebrae) တစ်ခုနဲ့ တစ်ခုကြား ဂွမ်းကဲ့သို့ ခံ ပေးထားတာဖြစ်ပါတယ်။ အရိုးနုပြားများက ထောက်ပံ့ပေးတဲ့ အဓိကရည်ရွယ်ချက်နှစ်ခု ရှိပါတယ်။ အရိုးနုပြားများဟာ ကျောရိုးလှုပ်ရှားမှုဖြစ်စေရန် ပံ့ပိုးသလို ကျောရိုးအပါ်ကို ဝန် တစ်ခုခု သက်ရောက်တဲ့အခါ ဟန်ချက်ညီစေအောင် Shock Absorber အဖြစ်လည်း လုပ်ဆောင်ပေးပါတယ်။ တကယ်လို့ အရိုးနုပြားပေါ်ကို တစ်ခုခုထိခိုက်မိ ပြီး   အရိုးနုပြားအတွင်းရှိ အရည်များကို အပြင်ဘက် ကွင်း အထိပေါက်ထွက်စေခြင်းမှ တစ်ဆင့် အနီးအနားတစ်ဝိုက် နာ့ဗ်ကြောများကို ဖိမိကာ နာကျင်မှုဝေဒနာကို ဖြစ်ပေါ်စေ ပါတယ်။

ခါးဆစ်အရိုးနုကျွံခြင်းဟာ တကယ်ကို ခံရခက်တဲ့ဝေဒနာတစ်မျိုးပါ။ ခါးနာခြင်းသာမကဘဲ တခြားသော လက္ခဏာတွေအနေနဲ့ အောက်ပါတို့ကို ခံစားရလေ့ ရှိပါတယ်။

• ခြေထောက်တစ်ဖက်(သို့) နှစ်ဖက်စလုံးအထိနာကျင်ခြင်း။
• ပုံမှန်လမ်းလျှောက်မှုပုံစံမှ သွေဖယ်စေသည့် ခြေထောက်ကြွက်သားများ အားနည်းခြင်း။
• ခြေထောက်တစ်ဖက်(သို့)နှစ်ဖက်လုံး ထုံနေခြင်း။
• လမ်းလျှောက်ရခက်ခြင်း(သို့) လမ်းဝေးဝေးလျှောက်ဖို့ခက်ခဲခြင်း။

သေချာတာကတော့ ဒီလိုမျိုး ရောဂါလက္ခဏာတွေကိုခံစားရမယ်ဆိုရင် မိမိတို့ရဲ့ နေ့စဉ်ဘဝမှာ ကြီးစွာသောအနှောင့်အယှက် ဖြစ်စေမှာပါ။

• ခါးဆစ်အရိုးနုကျွံခြင်းဟာ တဖြေးဖြေးအသက်အရွယ်ကြီးရင့်လာမှုရဲ့ အကျိုးဆက်အဖြစ် ကြားခံအရိုးနုများ ယိုယွင်းပျက်စီးခြင်းကြောင့်ဖြစ်ပါတယ်။
• အသက်အရွယ်ကြီးလာတာနဲ့အမျှ ခါးဆစ်အရိုးနုအတွင်းရှိ ဂျယ်လ်ပုံသဏ္ဍာန် ပစ္စည်းများရဲ့ ကွေးဆန့်နိုင်မှုလျော့ကျလာပြီး အရိုးနုပြားကိုအလွယ်တကူ ချော်ထွက်စေကာ အနီးတစ်ဝိုက်ရှိနာ့ဗ်ကြောများကို ဖိမိပါတယ်။
• လူတို့ရဲ့ နေ့စဉ်ဘဝနဲ့ အလေ့အကျင့်များဟာလည်း အရိုးနုပြားများကို မြန်မြန်ဆန်ဆန် ယိုယွင်းလာစေတဲ့အကြောင်းအရင်းတစ်ချက်ဖြစ်ပါတယ်။ တချို့ ဆိုရင် အလုပ်မှာ ပစ္စည်းအလေးကြီးတွေ မ ခြင်း၊ ဟန်ချက်မညီတဲ့ လှုပ်ရှားမှုများ အသုံးပြုခြင်း စတာတွေဟာ အရိုးနုပြားကို အလေးချိန်သက်ရောက်မှုများစေပြီး အားစိုက်ရစေပါတယ်။
• အားကစားသမားများ(သို့) အားကစားလိုက်စားသူများမှာလည်း ထပ်ခါထပ်ခါ လှုပ်ရှားမှုများနဲ့ အရိုးနုအပေါ် အလေးချိန်သက်ရောက်စေခြင်း(သို့) ရုတ်တရက် လည်ထွက်သွားတဲ့ လှုပ်ရှားမှုတွေကြောင့် ခါးဆစ်အရိုးနုကျွံတတ်ပါတယ်။
• အရိုးနုပြားများဟာ အပိုဝန်များကိုလည်း ထမ်း ထားရတာကြောင့် ကိုယ်အလေးချိန်များလွန်းသူတွေမှာလည်း ခါးဆစ်အရိုးနုကျွံခြင်း ဖြစ်နိုင်ခြေ များပါတယ်။

ဖော်ပြပါအကြောင်းအရင်းများအားလုံးဟာ အရိုးနုပြားယိုယွင်းခြင်း (သို့) အရိုးနုပြား ကျိုးခြင်း၊ အက်ခြင်းကို ဖြစ်စေပြီး အနီးတစ်ဝိုက်ရှိ နာ့ဗ်ကြောများကို ဖိအားဖြစ်စေ ပါတယ်။

ပုံမှန်ရောဂါစစ်ဆေးနေကျအတိုင်း ရုပ်ပိုင်းဆိုင်ရာစစ်ဆေးမှုတွေကို ပြီးပြည့်စုံအောင် လုပ်ဆောင်ပြီး ရောဂါလက္ခဏာများအပါအဝင် လူနာရဲ့ ကျန်းမာရေးရာဇဝင်ကို သုံးသပ်ပါမယ်။ ခါးအောက်ပိုင်းနာကျင်ခြင်းနဲ့ ထုံကျင်ခြင်း၊ ကြွက်သားချိနဲ့ခြင်း၊ ကြွက်သားအားနည်းခြင်း စတဲ့ အာရုံကြောပြဿနာလက္ခဏာများ ခံစားရသူတွေ အနေနဲ့ကတော့ X-Ray(သို့) MRI ကိုအသုံးပြုကာ ခါးဆစ်အရိုးနုကျွံခြင်းကို စစ်ဆေးရမှာဖြစ်ပါတယ်။

ခါးဆစ်အရိုးနုကျွံခြင်းကို ကုသလို့ရနိုင်ပါတယ်။ တကယ်လို့ လူနာဟာ အသေးစား လက္ခဏာတွေပဲ ခံစားနေရတယ်ဆိုရင် ဆရာဝန်က သောက်ဆေးနဲ့ ကိုယ်ကာယပိုင်း ဆိုင်ရာကုထုံး ကို အကြံပြုမှာပါ။  တကယ်လို့ လူနာဟာ ပြင်းပြင်းထန်ထန်ခါးနာပြီး နေ့စဉ်လုပ်ဆောင်မှု နေ့စဉ်ဘဝမှာ ပုံမှန်အတိုင်းမလည်ပတ်နိုင်ဘူးဆိုရင်တော့ ကိရိယာအသုံးပြုကာထိုးဖောက်မှု အနည်းဆုံးကျောရိုး ခွဲစိတ်ကုသမှု( Minimal Access Microscopic Spinal Surgery) ကို ပြုလုပ်ဖို့ ဆရာဝန်က အကြံပေးပါလိမ့်မယ်။ ဒါဟာ ထိုးဖောက်မှုအနည်းဆုံးခွဲစိတ်ကုသမှု(MIS) နည်းပညာတစ်ခုဖြစ်ကာ ပြီးခဲ့တဲ့ နှစ်အနည်းငယ်အတွင်းမှာပဲ တိုးတက်လာခဲ့ပြီး အကျိုးထိရောက်မှုရှိခဲ့ပါတယ်။ ဒါကြောင့် ဒီကုသမှုနည်းပညာကိုရွေးချယ်မယ့်လူနာတွေအနေနဲ့ ယုံကြည်စိတ်ချရမှုနဲ့ စိတ်သက်သာရာရစေမှာဖြစ်ပါတယ်။ ဘာလို့လဲဆိုတော့ ဒီနည်းပညာဟာ လက်တစ်ဆစ်စာပမာဏ အနည်းငယ်မျှသာ ခွဲစိတ်ဖို့လိုအပ်ပြီး နာကျင်မှုနည်းပါးသလို ရောဂါပိုးဝင်ရောက်နိုင်ခြေလည်း အရမ်းကိုနည်းပါတယ်။ နောက်ထပ်အားသာချက်တစ်ခုကတော့ လူနာဟာ အလျှင်အမြန်အတွင်းပဲ ပြန်လည်သက်သာလာနိုင်တာကြောင့် ဆေးရုံမှာအကြာကြီးနေရမှာကို စိုးရိမ်နေစရာ မလိုပါဘူး။ ခွဲစိတ်မှုပြီးတာနဲ့ (၂၄) နာရီကနေ (၄၈)နာရီအတွင်း လူနာဟာ အိမ်ပြန်နိုင်ပြီဖြစ်ပါတယ်။ MIS (Minimally Invasive Surgery) လို့လူသိများတဲ့ ထိုးဖောက်မှုအနည်းဆုံးခွဲစိတ်ကုသမှုဟာ ဆန်းသစ်တဲ့ ခွဲစိတ်ကုသမှုနည်းပညာကို အသုံးပြုထားကာ ပြီးခဲ့တဲ့နှစ်တွေအတွင်း တိုးတက်သထက် တိုးတက်မြင့်မား လာခဲ့ပါတယ်။ ဒီကုသမှုရဲ့ အဓိကအကျိုးကျေးဇူးများကတော့ နာကျင်မှုနည်းပါးခြင်း၊ မယုံနိုင်လောက်စရာလက်တစ်ဆစ်မျှသာခွဲစိတ်ရခြင်း၊ ရောဂါပိုးဝင်ရောက်နိုင်မှု နည်းခြင်း တို့ဖြစ်ပြီး အရမ်းအရေးကြီးတဲ့တစ်ချက်ကတော့ လူနာဟာ မြန်ဆန်တဲ့ အချိန်အတွင်းပြန်လည်သက်သာကာ ဆေးရုံမှာအကြာကြီးနေစရာမလိုပါဘူး။ ကုသမှုပြီးတာနဲ့ လူနာဟာ (၂၄)နာရီမှ (၄၈) နာရီအတွင်း အိမ်ပြန်နိုင်ပြီဖြစ်ပါတယ်။

Minimally Invasive Surgery (MIS) – ခွဲစိတ်ကုသမှုသစ် ပိုမိုလေ့လာရန်

ထိုးဖောက်မှုအနည်းဆုံးကိရိယာသုံးခွဲစိတ်ကုသမှု ဟာ ထိုးဖောက်မှုအနည်းဆုံး ခွဲစိတ်မှု (MIS) တစ်ခုဖြစ်ပြီး အောက်ပါ အားသာချက်များရှိပါတယ်။
●    သာမန်ခွဲစိတ်ကုသမှုများထက်စာရင် တစ်ရှူးများကို ထိခိုက်ပျက်စီးစေမှု ပိုနည်းပါတယ်။ အနည်းငယ်မျှသာခွဲစိတ်မှုကြောင့် ကြွက်သားတည်ဆောက်မှုကို ပျက်စီးစေခြင်း၊ တစ်ရှူးပျက်စီးစေခြင်းတို့ကို လျော့ကျစေပြီး ခွဲစိတ်ပြီးနောက် ကြွက်သားတွယ်ဆက်မှုများကိုလည်း နည်းပါးစေပါတယ်။
●    ခွဲစိတ်အရာလေးဟာ လွန်စွာသေးငယ်ပြီး (၁)စင်တီမီတာလောက်သာရှိပါတယ်။ ခွဲစိတ်ရာပိုသေးတာကြောင့် သွေးဆုံးရှုံးမှုကိုလည်း လျော့ကျစေပြီး 1 cc သာ ရှိပါတယ်။ ခွဲစိတ်မှုပြီးနောက်ပြန်လည်သက်သာလာတဲ့အချိန်ဟာလည်း တိုတောင်းပါတယ်။ ဘာလို့လဲဆိုတော့ ဒဏ်ရာအရွယ်အစားသေးငယ်တာ ကြောင့် ပိုမိုမြန်ဆန်စွာပြန်လည်ကောင်းမွန်လာကာ လူနာဟာ ခွဲစိတ်ကုသမှုအပြီး ဆေးရုံမှာတစ်ညတာနေရုံနဲ့ ပြန်လည်သက်သာလာမှာ ဖြစ်ပါတယ်။

ခွဲစိတ်မှုမတိုင်ခင် ခန္ဓာကိုယ်ကို ပြင်ဆင်မှုများအဖြစ် ဓာတ်ခွဲခန်းစစ်ဆေးမှုများ ( သွေးစစ်ခြင်း၊ ဆီးစစ်ခြင်း၊ နှလုံးလျှပ်စစ်စွမ်းရည်တိုင်းခြင်း၊ X-Rayစစ်ခြင်း) သာမက ဆရာဝန်ရဲ့ဆုံးဖြတ်ချက်အပေါ်မူတည်ကာ စစ်ဆေးခြင်း စသည်တို့ကို ပြုလုပ်ရပါမယ်။ ယေဘုယျအားဖြင့်ပြောရမယ်ဆိုရင် ကျောရိုးပြဿနာရှိသူများဟာ ကလေး(သို့) လူငယ်များထက် သက်ကြီးပိုင်းလူနာတွေ ပိုများပါတယ်။ သက်ကြီးပိုင်းလူနာတွေဟာ ဘယ်လိုခွဲစိတ်ကုသမှုမျိုးခံယူသည်ဖြစ်စေ လုပ်သင့်လုပ်ထိုက်တဲ့ ပြင်ဆင်မှုတွေကို လုပ်ထားရပါမယ်။ ဥပမာ လူနာဟာ ရောဂါအခံ(သို့) နာတာရှည်ရောဂါ ရှိပြီး ပုံမှန် သောက်နေရတဲ့ဆေးတွေ အထူးသဖြင့် သွေးခဲခြင်းကိုဖြစ်စေတဲ့ Asprin(သို့) Warfarin ကဲ့သို့ဆေးတွေ သောက်နေရတယ်ဆိုရင် ခွဲစိတ်မှုမတိုင်ခင် (၅)ရက်-(၇)ရက် အတွင်း ဒီဆေးတွေကို ခဏရပ်ထားဖို့လိုပါတယ်။

တကယ်လို့ခါးဆစ်အရိုးနုကျွံခြင်းကိုထိုးဖောက်မှုအနည်းဆုံးကိရိယာသုံးခွဲစိတ်ကုသမှု (Minimal Access Microdiscectomy) နည်းလမ်းနဲ့ လုပ်ဆောင်မယ်ဆိုရင် ပြန်လည် သက်သာလာဖို့ အချိန် တစ်ရက်သာလိုပါတယ်။ လူနာအနေနဲ့ ခွဲစိတ်ကုသတဲ့ နေ့မှာပဲလမ်းလျှောက်နိုင်ပြီး နောက်တစ်ရက်ဆိုအိမ်ပြန်နိုင်ပါပြီ။ ခွဲစိတ်ကုသမှုအပြီး နောက်ပိုင်း ကိုယ့်ကိုယ်ကို ဂရုစိုက်မှုများအနေနဲ့ လေးတဲ့ပစ္စည်းများမခြင်း၊ တစ်လအတွင်းခါးကိုင်းခြင်း တို့ကို အထူးရှောင်ရှားဖို့လိုအပ်ပါတယ်။ သာမန်အားဖြင့် ခွဲစိတ်ကုသမှုအပြီး တစ်ပတ် နှစ်ပတ်ဆိုရင် ကားမောင်းခြင်း၊ ဟင်းချက်ခြင်း၊ ရုံးသွားခြင်း၊ ပုံမှန်နေထိုင်မှုနဲ့ နေ့စဉ်လုပ်ငန်းများကို မူလအတိုင်းပြန်လည် လုပ်ဆောင် နိုင်ပါတယ်။ ခါးဆစ်အရိုးနုကျွံခြင်း ခွဲစိတ်ကုသမှုပြုလုပ်ထားသည့်တိုင်အောင် နောက်တစ်ကြိမ် အရိုးနုကျွံခြင်းပြန်လည်ဖြစ်ပေါ်နိုင်ခြေ (၈) ရာခိုင်နှုန်းရှိပါတယ်။ ဒါကြောင့် ခွဲစိတ်ကုသမှုခံယူပြီးလူနာတွေအနေနဲ့ ကိုယ်တိုင်ဂရုစိုက်ဖို့ အထူးအရေးကြီး ပြီး လေးလံတဲ့အရာတွေ မ ခြင်းကို ရှောင်ရှားရမှာဖြစ်သလို အရိုးနုကျွံခြင်းကိုတိုက်ရိုက် သက်ရောက်စေမှုများကို ရှောင်ဖို့ တစ်နေ့တာလုံးမှန်ကန်တဲ့ ကိုယ်နေဟန်ထား အသုံးပြုရမှာဖြစ်ပါတယ်။

စောစီးစွာကာကွယ်ထားခြင်းဟာ အကောင်းဆုံးရွေးချယ်မှုပဲဖြစ်ပါတယ်။ သင့်ရဲ့ နောက်ကျောကိုအသုံးပြု (သို့) လှုပ်ရှားရာမှာ သင့်တော်တဲ့ နည်းလမ်းတွေအတိုင်း လုပ်ဆောင်ခြင်းဖြင့် ခါးဆစ်အရိုးနုကျွံခြင်းကို ကြိုတင်ကာကွယ်ထားနိုင်ပါတယ်။ အရေးကြီးတဲ့တချို့သော ကြိုတင်ကာကွယ်မှုများကတော့ ....

• လေးလံတဲ့အရာများ မ ခြင်း ကို ရှောင်ကျဉ်ပါ။
• အချိန်ကြာကြာထိုင်ရမယ်ဆိုရင် ဆန့်ဖို့နဲ့ ကိုယ်နေဟန်ထားကို အကြိမ်ကြိမ် ပြောင်းလဲနိုင်ဖို့ကြိုးစားပါ။
• အဓိကကြွက်သားများသန်မာမှု ( ကျောဘက်ကြွက်သားနှင့် ဝမ်းဗိုက်ကြွက်သား နှစ်ခုစလုံး) ကို ဖွံ့ဖြိုးစေဖို့နဲ့ ထိန်းသိမ်းနိုင်စေဖို့ လုပ်ဆောင်ပါ။
• တကယ်လို့ သင့် အရိုးများဟာ သန်မာမှုမရှိဘူးဆိုရင် မကြာခဏခုန်ခြင်း (သို့) ကျောရိုးကိုကြီးကြီးမားမားထိခိုက်စေတဲ့လေ့ကျင့်ခန်းများကို ရှောင်ရှားပြီး ရေကူးခြင်း၊ ကွေးညွတ်နိုင်မှုကိုမြင့်မားစေတဲ့ ပေါ့ပေါ့ပါးပါးလေ့ကျင့်ခန်းများကို လုပ်ဆောင်ပါ။

ဖော်ပြခဲ့တဲ့ ဆောင်ရန်ရှောင်ရန်အချက်များဟာ ကျန်းမာတဲ့ကျောရိုးတစ်ခု နဲ့ ကြားခံအရိုးနုများကို သက်တမ်း ပိုမိုကြာရှည်အောင် အထောက်အကူပြုမှာဖြစ်ပြီး အရွယ်မတိုင်ခင် အရိုးနုပျက်စီးခြင်းကိုလည်း ကာကွယ်ပေးနိုင်ပါတယ်။

 ဘန်ကောက်ဆစ်မီတဝေ့ဆေးရုံမှာရှိတဲ့ အားကစားနှင့်အရိုးအကြောထိခိုက်မှုကုသရေး စင်တာ ( The Sports and Orthopedic Center ) ဟာ အရိုးအကြောထိခိုက်မှု ကြောင့် ခံစားနေရသူများ၊ ရုတ်တရက်နှင့် နာတာရှည် အရိုးအဆစ် ထိခိုက်မိသူများ အတွက် အထူးကုသဝန်ဆောင်မှုပေးရာ နေရာပဲဖြစ်ပါတယ်။ ဒီစင်တာမှာ အရိုးအကြောခွဲစိတ်ကုဆရာဝန် (၃၈)ယောက်၊ ကိုယ်ကာယကုထုံးပညာရှင်များ၊ အားကစားထိခိုက်မှုနှင့် ကိုယ်ကာယပြန်လည်သန်စွမ်းလာရေးကျွမ်းကျင်ပညာရှင်များ ပေါင်းစည်းပြီး ကုသဝန်ဆောင်မှုပေးနေတာဖြစ်ပါတယ်။ အဆိုပါ အတွေ့အကြုံရှိ ကျွမ်းကျင်ပညာရှင်များနဲ့ အထူးကုဆရာဝန်များကို နောက်ဆုံးပေါ် အရိုးအကြောကုသမှုဆိုင်ရာစက်ကိရိယာများ၊ ပြန်လည်ကျန်းမာသန်စွမ်းလာစေဖို့ စက်ကိရိယာများနဲ့ ပေါင်းစပ်ကာ လူနာများအတွက် အကောင်းဆုံးသော ကုသမှု အကောင်းဆုံးများဝန်ဆောင်မှု များ ပေးစွမ်းဖို့ အမြဲအသင့်ရှိနေပါတယ်။

• အွန်လိုင်းဗီဒီယိုကောလ်မှတစ်ဆင့်ဆရာဝန်နှင့် ကုသမှုအစီအစဉ် ဆွေးနွေးတိုင်ပင်ခြင်း (ဒုတိယရွေးချယ်မှု)။
• တခြားဆေးရုံမှ ဆေးမှတ်တမ်းများနဲ့ ခန့်မှန်းကုန်ကျစရိတ်များရှိခဲ့မယ်ဆိုရင် ယူဆောင်လာပါက ကုန်ကျစရိတ်ညှိနှိုင်းကာကုသမှုအစီအစဉ်ရေးဆွဲခြင်း။
• ဆစ်မီတဝေ့ရဲ့ တန်ဖိုးတွက်ချက်မှုအဖွဲ့ (Appraisal Team) မှ အာမခံဈေးနှုန်းနဲ့အတူ ကုန်ကျစရိတ်တွက်ချက်ရေးဆွဲခြင်း (နောက်ဆက်တွဲ ရောဂါမရှိသည့်ကုသမှုအစီအစဉ်များအတွက်သာ)
• ထိုင်းနိုင်ငံအပါအဝင် နိုင်ငံတကာကုမ္ပဏီများနှင့် ဆေးဝါးဝယ်ယူနိုင်သည့်ပမာဏ (Initial Coverage Eligibility) တွက်ချက်ပေးခြင်း (ဆေးရုံနှင့်စာချုပ် ချုပ်ဆိုထားသည့်ကုမ္ပဏီများအတွက်သာ)