ဒီနည်းလမ်းနဲ့မွေးဖွားမယ်လို့ ဆုံးဖြတ်ပြီးနောက်မှာ ကျွန်မရယ်၊ ကျွန်မ ခင်ပွန်းရယ် ကျွန်မရဲ့ အကူရယ် ဆေးရုံကို သွားခဲ့ပါတယ်။ အမျိုးသမီးကျန်းမာ ရေးစောင့်ရှောက်မှုစင်တာမှာ Dr. Yoawaluk က ချက်ချင်းတွေ့ဆုံခဲ့တယ်။ တချို့ စစ်ဆေးမှုတွေပြီးတာနဲ့ သဘာဝအတိုင်းကလေးမွေးဖွားခန်း(Natural Birth Room) ထဲ တန်းသွားခဲ့ပါတယ်။

အားလုံးက ခပ်မြန်မြန်ပဲ ပြီးသွားခဲ့ပြီး ကလေးမမွေးဖွားခင် ဆေးရုံမှာ (၃)နာရီ လောက်ပဲကြာခဲ့တယ်။ ကျွန်မ သက်သောင့်သက်သာဖြစ်အောင် ကြိုးစားခဲ့ချိန်မှာ ကလေးမွေးတဲ့ ရေဇလုံကိုမြင်ခဲ့ရပါတယ်။ ရေထဲမှာ ကလေးမွေးရင် ငါ ပိုပြီး သက်သောင့်သက်သာဖြစ်မယ်ဆိုပြီးတော့တောင် တွေးမိသေးတယ်။ သူနာပြု တွေကလည်း အရမ်းကို ဂရုစိုက်ပေးပါတယ်။ ကျွန်မ ရေထဲမှာထိုင်နေတာကို သူတို့မြင်သွားတော့ ရေထဲမှာကလေးမွေးချင်လားဆိုပြီး လာမေးကြတယ်။ အင်း.. အဲ့လိုထင်တာပဲ လို့ ကျွန်မပြန်ဖြေမိတယ်။ သူတို့ကလည်း အဆင်ပြေပါတယ် ဆိုပြီးပြောလို့ ကျွန်မ ရေထဲမှာပဲ မွေးလိုက်တယ်။ ဒါက တကယ့်ကို အတွေ့အကြုံကောင်းတစ်ခုပါပဲ။ ကလေး ထွက်လာတာလည်း လုံးဝ ငြင်ငြင်သာသာပါပဲ။

ကလေးမွေးဖွားတဲ့ဇလုံထဲမှာ တစ်နာရီခွဲလောက်နေခဲ့ရပေမယ့် အရမ်းကြာ တယ်လို့ မထင်ရဘူး။ ဘာလို့လဲဆိုတော့ အဲ့မှာ သက်သောင့်သက်သာ ဖြစ်တယ်လေ။ ရေနဲ့ထိတဲ့အခါမှာ နူးနူးညံ့ညံ့လေးနဲ့ နွေးထွေးမှုကို ခံစားရတယ်။ ရေထဲမှာ ကလေးမွေးရတဲ့ အတွေ့အကြုံကို အရမ်းကြိုက်တယ်။ ဒီနည်းလမ်းက ပိုပြီး လွယ်ကူချောမွေ့တယ်။ ပြီးခဲ့တဲ့တစ်ခေါက် မွေးတုန်းကထက်တောင် ပိုမြန် သေးတယ်။ နွေးထွေးမှုကိုခံစားရတဲ့အပြင် ပေါ့ပေါ့ပါးပါး ဖြစ်နေတဲ့ခံစားမှု က တကယ်ကို အထောက်အကူပြုတယ်။ ဘာလို့လဲဆိုတော့ ဆွဲငင်အားကို တုန့်ပြန် နေစရာမလိုတော့ဘဲ ခံစားမှုက ပို ကောင်းတယ်။

ကလေးထွက်လာတာနဲ့တစ်ပြိုင်နက် သူနာပြုတွေ လုပ်စရာရှိတာ လုပ်နေတဲ့ အချိန်မှာ ကျွန်မ ကလေးကို ချီနိုင်ခဲ့ပါတယ်။ ကလေးကို သူတို့ မခေါ်သွားခင် နှစ်နာရီလောက် မွေးခန်းထဲမှာ ကျွန်မနဲ့ ကလေးနဲ့ အတူရှိခွင့်ရခဲ့တာက တကယ် ကျေနပ်စရာပါ။ ဒါက ကျွန်မတို့ကို မိသားစု တစ်ခုအဖြစ် ပေါင်းစပ်ပေးတဲ့ ပျော်ရွှင်ဖွယ်ရာ အခွင့်အရေးပါပဲ။ ပထမဆုံး ကလေးနဲ့ အတူရှိခွင့်ရခဲ့တဲ့ နှစ်နာရီက တကယ့်ကို ပျော်ရွှင်ချမ်းမြေ့စရာကောင်းသလို အဲဒီအချိန်အတွင်း သူနာပြုတွေကလည်း တကယ့်ကို ကူညီပေးကြပါတယ်။

နောက်ဆုံးမွေးဖွားခဲ့တာနဲ့ယှဉ်ရင် ပိုကောင်းတဲ့ ကွာခြားမှုတွေရှိပါတယ်။ ပြီးခဲ့တဲ့ တစ်ခေါက်ကဆိုရင် ဆေးရုံမှာ နာရီ(၄၀)လောက်ကြာသွားတယ်။ မွေးပြီးပြီးချင်း ကလေးနဲ့အတူရှိခွင့်ရတာက အရမ်းကောင်းပါတယ်။ အမေရိကန်မှာဆိုရင် မွေးဖွားပြီးတာနဲ့ ကလေးကိုခေါ်သွားရော။

ကျွန်မမှာ သဘာဝအတိုင်းကလေးမွေးတာနဲ့ပတ်သက်ပြီး စိုးရိမ်မှုတွေရှိတာကို သိပြီး အကောင်းဆုံး ကူညီပံ့ပိုးပေးခဲ့တဲ့ Dr Yaowaluk ကို ကျေးဇူးတင်ကြောင်း ပြောချင်ပါတယ်။ ကျွန်မကို မလုပ်ဖို့ သူမ ဘယ်တုန်းကမှ မတားမြစ်ခဲ့ဘူး။ ကျွန်မ ဖြစ်ချင်တဲ့ဆန္ဒကို လေးစားမှုရှိတာ အရမ်းပျော်ပါတယ်။ ဆစ်မီတဝေ့မှာ ကလေးမွေးရတာ အကောင်းဆုံးပါပဲ။ ဒီဆေးရုံကို ရွေးချယ်ခဲ့တာကိုလည်း တကယ်ပဲ ဝမ်းသာမိပါတယ်။

လောလောဆယ် ကျွန်မ ကလေးထပ်ယူဖို့ အစီအစဉ်မရှိသေးပေမယ့် ရေထဲမှာကလေး မွေးဖွားတာကိုတော့ နောက်တစ်ကြိမ်ထပ်လုပ်ချင်ပါသေးတယ်။