ကျွန်မအရင်ဆုံး ခြေထောက်တစ်ခုလုံး မခံမရပ်နိုင်အောင် နာကျင်ကိုက်ခဲမှုကိုခံစားခဲ့ရတယ် ။ ပြီးတော့ ချက်ချင်းပဲ ကျွန်မ ခြေထောက်မှာ အသိအာရုံခံစားမှုပျောက်သွားတယ်။ တစ်ဆက်တည်းပဲ ခါး အောက်ပ်ိုင်းတစ်ခုလုံး ထုံကျင်ကိုက်ခဲသွားတယ်။ ဒါဟာတစ်ခါမှ မကြုံဘူးတဲ့ ထူးထူးဆန်းဆန်း ခံစားမှုကို တစ်ခဏအတွင်းကြုံခဲ့ရတာပါ။  ဘယ်လိုပြောရမလဲဆိုတော့ လုံးဝထုံမသွားခင် အထိ သေလုမတတ်ကို နာကျင်ခဲ့ရပြီး ဆီးသွားလို့တောင် မရခဲ့ပါဘူး။ အရေးပေါ်ဆေးရုံကားနဲ့ ကျွန်မ ဆစ်မီတဝေ့ဆေးရုံကိုရောက်သွားခဲ့ပြီး ချက်ချင်းပဲ ဆရာဝန်တွေ သူနာပြုတွေက စမ်းသပ်စစ်ဆေးမှု တွေ လုပ်ပေးခဲ့တယ်။ MRI Scan ၊ X-Ray ရိုက်တာတွေ သွေးစစ်တာတွေကို အပြည့်အစုံ လုပ်ပေးပြီး ဘာရောဂါလဲဆိုတာကို သိအောင်လုပ်ပေးခဲ့ကြတယ်။

ပထမတော့ဆရာဝန်က ရိုးရိုးခါးကြောညပ်တယ်ပဲ ထင်ခဲ့ပေမယ့်လည်း နောက်ပိုင်းမှာတော့ ပုံမှန်မဟုတ်တဲ့ ရောဂါလက္ခဏာဆိုတာကို သူ သဘောပေါက်ခဲ့တယ်။ သူဒါကိုသိတာနဲ့ ခွဲစိတ်ကုသမှုကို မြန်နိုင်သမျှ မြန်မြန်လုပ်ဖို့အရေးကြီးတယ်ဆိုတာ ကျွန်မကိုရှင်းပြခဲ့တယ်။ ဆရာဝန်က ကျွန်မကို ရိုးရိုးရှင်းရှင်းနဲ့ တစ်ဆင့်ချင်းဆီကို နားလည်သဘောပေါက်အောင် ရှင်းပြခဲ့လို့ ဘာဆက်လုပ်ရမလဲဆိုတာကို ကျွန်မ သေသေချာချာ နားလည်ခဲ့ပါတယ်။ MRI က ထွက်လာတဲ့ပုံတွေ ကို ကျွန်မကိုပြပြီး ခွဲစိတ်ကုသမှုမှာ ဘာတွေပါဝင်မလဲဆိုတာ ကိုလည်း ရှင်းပြခဲ့ပါတယ်။ ကုသမှုတစ်လျှောက်လုံးမှာလည်း တစ်ချိန်လုံးကျွန်မကို သေသေချာချာဂရုစိုက်ကြပါတယ်။ ဘယ်တုန်းကမှ မမျှော်လင့်ထားခဲ့တဲ့ ကုသမှုအတွက် ၊ ခွဲစိတ်ကုသမှုဆိုတာကို တစ်ခါမှ မကြုံဘူးခဲ့တဲ့ ကျွန်မ ကြောက်စိတ်တွေများနေခဲ့တယ် ဆိုတာကို မငြင်းပါဘူး။ ဒါပေမယ့် အဆင်ပြေပြေနဲ့ ပြီးသွားခဲ့တာကိုပဲ ကျေးဇူးတင်ရပါတယ။် ခွဲစိတ်ကုသမှုကိုလက်ခံဖို့အတွက် ကျွန်မရဲ့ နှလုံး က လုံလုံလောက်လောက် အားကောင်း မကောင်း သိဖို့အတွက် Echocardiogram (ပဲ့တင်သံလှိုင်းဖြင့် နှလုံးစစ်ဆေးခြင်း) နဲ့တောင် စစ်ဆေးပေးပါတယ်။ ဆိုလိုတာက ကျွန်မတောင် လုံးဝ မစဉ်းစားခဲ့ဘူးတဲ့ အရာတွေကို သူတို့ သေချာဂရုစိုက်ပေးတာကို ပြောချင်တာပါ။

ကျွန်မအခြေအနေကအရမ်းကိုတိုးတက်လာပါတယ်။ ဘာလို့လဲဆိုတော့ အရင်အခြေအနေ ထက်တောင် ကျွန်မ ပိုပြီးကောင်းတယ်လို့ ခံစားခဲ့ရပါတယ်။ ဆေးရုံမှာ ပြန်သက်သာလာဖို့နေခဲ့ရတဲ့ အချိန်အတွင်းမှာ သူနာပြုတွေက တစ်ချိန်လုံး ကျွန်မကို ဂရုစိုက်စောင့်ကြည့်ပေးခဲ့ကြပါတယ်။ ကျွန်မ တစ်ခုခုလိုတဲ့အချိန် ၊  ကျွန်မ အိပ်ဆေးလိုတဲ့အချိန်ဒါမှမဟုတ် နေမကောင်းတဲ့ အချိန် ခလုတ်တစ်ချက် နှိပ်လိုက်တာနဲ့ သူတို့ ချက်ချင်းရောက်လာပြီး ကျွန်မဖြစ်ချင်တာကို ဂရုတစိုက်နဲ့ လုပ်ပေးခဲ့တယ်။ တကယ့်ကို ဂရုစိုက်တတ်လွန်းတဲ့သူတွေပါ။ ဆေးရုံဝန်ထမ်းတွေကို ကျေးဇူးတင်စကားပြောဖို့ လုံလုံလောက်လောက် စကားလုံးတောင် ကျွန်မ မတွေးတတ်တော့ပါဘူး။  

ပထမဆုံးတွေ့ခဲ့ရတဲ့ ဆရာဝန်က Dr.Paiboon ပါ။ သူက တည်တည်ငြိမ်ငြိမ်နဲ့ တကယ့်ကို ပရော်ဖက်ရှင်နယ်ပီသတဲ့ ဆရာဝန်ပါပဲ။ တကယ့်ကို ရိုးသားပွင့်လင်းမှုရှိသလို ကျွန်မရဲ့ စိုးရိမ်စိတ်တွေ မေးခွန်းတွေကို သူပဲ နားလည် သဘောပေါက်အောင် ရှင်းပြပေးခဲ့တာပါ။ တကယ်လို့ သူ မသိဘူးဆိုရင်တောင် “ ပြန်လည်သက်သာလာဖို့ အချိန် ဘယ်လောက်ယူရမလဲ ကျွန်တော်မသိဘူး။ ” လို့ ဖြေတတ်တဲ့သူပါ။  ကျွန်မ အခု ပြန်လည်သက်သာလာဖို့ အချိန်ယူနေဆဲပါ ။ ဒါပေမယ့် တစ်နေ့ ထက်တစ်နေ့ သိသိသာသာကို ပိုကောင်းလာတယ်။ ဆေးရုံရောက်လာခါစက ထက်ကို အများကြီး ပိုသက်သာလာပါတယ်။ သူက အရမ်းကိုတော်တဲ့ဆရာဝန်ပါ။ သူ့အဖွဲ့သားတွေအားလုံး ကလည်း တကယ့်ကို နွေးထွေးပျူငှာတတ်ပြီး လိုလေသေးမရှိ ကူညီတတ်သူတွေဖြစ်ပါတယ်။ တစ်ခုခု လိုအပ်ချက်အပြစ် ရယ်လို့တောင် မမြင်မိပါဘူးရှင် ။ အကုန်လုံးက မယုံနိုင်လောက်အောင် တော်ကြသူတွေချည်းပဲ။ ကျွန်မအတွက် အကောင်းဆုံးသော ကုသမှုတွေကို ရရှိခဲ့ပါတယ်။ ကျွန်မ တကယ်ရခဲ့ပါတယ်။

တကယ်လို့တစ်ခုခု ခံစားနေရပြီလို့ သင် ထင်နေပြီဆိုရင် နားလည်တတ်ကျွမ်းတဲ့ဆရာဝန်တစ်ဦးနဲ့ အမြန်ဆုံး ဆွေးနွေးတိုင်ဖို့ အရင်ဆုံးအကြံပေးပါရစေ ။ ဘာလို့လဲဆိုတော့ အဲလိုထင်နေတာတွေက တကယ်ဖြစ်လာရင်လည်း ဖြစ်လာနိုင်လို့ပါ။ ကျွန်မကိုယ်တိုင်လည်း တစ်ခုခုတော့ မှားနေပြီ ။ ပုံမှန်မဟုတ်ဘဲ ခံစားနေရတယ်ဆိုတာကို သိခဲ့တယ်။ သေချာတာကတော့ ကျွန်မကြုံခဲ့ရတဲ့ ပြဿနာကို ကျွန်မကိုယ်တိုင်လည်း မမျှော်လင့်ထားဘူးဆိုတာပါပဲ။ ဒါဟာအချိန်တန်ရင် ပျောက်သွားမှာ ဆိုတာကိုလည်း ကျွန်မတွေးခဲ့ပါတယ်။ ဒီလိုဖြစ်လာပြီဆိုရင် ကျွမ်းကျင်ဆရာဝန်နဲ့ ချက်ချင်းတွေ့ဆုံတိုင်ပင်ပြီး သူတို့ရဲ့ အကြံဥာဏ်နဲ့ ထင်မြင်ချက်တွေကို ရယူတိုင်ပင်သင့်ပါတယ်။ ပြီးရင် ဒီလိုစစ်ဆေးမှုတွေကို ပြီးဆုံးအောင်လုပ်လိုက်ပါ။ ဒါဟာ ကျွန်မအခြေအနေကို MRI ရိုက်ပြီး  ရှာဖွေတွေ့ရှိခဲ့တဲ့ နည်းလမ်းပဲဖြစ်ပါတယ်။ တကယ်လို့ ကျွန်မ MRI မရိုက်ခဲ့ဘူးဆိုရင် ဒါကို သေချာသိရမှာတောင် မဟုတ်ပါဘူး။ ဒီစစ်ဆေးမှုတွေက တကယ့်ကို တန်ဖိုးရှိပါတယ်။

ကျွန်မဘက်ကနေ ဆေးရုံ ၊ ဆေးရုံကလူတွေအားလုံး ၊ တာဝန်ရှိသူတွေကိုတောင် လုံလောက်တဲ့ ကျေးဇူးတင်စကားရှာမရခဲ့ပါဘူး။ ဒါဟာ ဆေးရုံဝန်ထမ်းတွေကိုသာမကပါဘူး ။ လူတိုင်းကိုပါ။ တကယ်လို့ ကျွန်မ စားလို့သောက်လို့အဆင်မပြေဘူးဆို သူတို့ ကျွန်မအတွက်ပြောင်းပေးတယ်။ ဘာမှသိပ် ပြဿနာအများကြီးမရှိပါဘူး။ ကျွန်မ တကယ်ပဲ ကောင်းမွန်တဲ့ ဂရုစိုက်စောင့်ရှောက်မှုတွေ ခံယူခဲ့ရပါတယ်။ ဆစ်မီတဝေ့ဆေးရုံအတွက် ကျွန်မ ညွှန်းဆိုချင်တဲ့စကားလုံးကတော့ “ တကယ့်ကိုအံ့မခန်းဆေးရုံ ” ဆိုတာပဲဖြစ်ပါတယ်။